"هساعدكم كأخ ليكم".. تامر حسني يوجه رسالة لجمهوره بسبب خبراته
كعادته شارك الفنان تامر حسني خبراته منذ الصغر ووجه رسالة لجمهوره، أنه مستعد لسماع مشاكلهم جميعًا ومحاولة إيجاد حل لها معهم، بعد التجارب التي مر بها على مدار حياته.
ونشر تامر حسني منشورًا عبر حسابه الرسمي بموقع تبادل الصور والفيديوهات “إنستجرام”، حيث كتب قائلًا: “أولًا أنا فرحان أوي بمتابعتكم للكلام اللي بقولهلكم من قلبي في أي بوست إيجابي، بحب أوصله ليكم، وفي نفس الوقت بشوف ردود من ناس كتير تعبانة ومُحبطه من ظروفهم ومن حال الدنيا، شوفوا بقى، على قد مشواري ومعاناتي اللي شوفتها في حياتي من وأنا طفل فقير ضعيف شاف كل ظروف ومواقف الإحباط”.
وأردف تامر: “لحد ما كبرت وبدأت أحقق أحلامي وأواجه نفس الحروب ولكن من نوع آخر وأشرس، شوفت حاجات كتير ببقى نفسي أقولهالكم أو بمعنى أصح عرفت أسرار كتير في التعامل مع الحياة والأزمات، نفسي أوصلهالكم كلها، واثق إنكم محتاجين حد يحكيلكم ده من قلبه وينفعكم به، بشوف ده دايمًا في ردودكم عليا”.
واختتم تامر حسني، حديثه قائلًا: “أنا مش مدرس ولا دكتور ولا أي شيء غير إني بني آدم صاحب رحلة فيها صعود وهبوط، مكاسب وخساير، وحروب وصعاب وأحزان ودموع وتحديات وفشل ونجاحات وجوائز عالمية، وإيرادات استثنائية.. يعني كل اللي نفسكوا فيه بالصلاة على النبي، أنا طالب منكم تسألوني كأخ ليكم عن أي حاجه تعباكم وهحاول بقدر الإمكان أقرأ اللي هقدر عليه، وأرد وهحاول أقسم المواضيع اللي هتسألوا فيها وأرد عليها كلها بشكل عام”.
