زوجة أحد شهداء القوات المسلحة: "ربنا استجاب ليا.. في ناس عايشة فرحتها ناقصة"
قالت زوجة الشهيد العقيد أركان حرب حازم إبراهيم، إنها انتقلت لمكان سكن جديد قريبا، ومنزلها أمام الجامع، مضيفة: "أدم ابني كان نازل عشان يصلي الجمعة بصيت وهو داخل الجامع عيط كان نفسي باباه يكون معاه".
وأضافت، خلال فعاليات الندوة التثقيفية الـ 39 للقوات المسلحة بمناسبة الاحتفال بيوم الشهيد، المذاعة عبر فضائية إكسترا نيوز، اليوم السبت، أن بعد عدة أشهر أدم أصبح معروفا في المنطقة، متابعة: "أدم وهو خارج مرة من الجامع صحابه جريوا على باباهم يسلموا عليه.. أدم جري مع أصحابه يسلم على باباهم، غصب عني عيط وبصيت لربنا وأنا أم ابني صعب عليا، وقولت في جمعة الشهيد هكلم دفعة حازم يصلوا مع أدم ويتكلموا عن حازم جوه الجامع".
وتابعت، "بعدها بأسبوع لقيت ربنا بيقولي متزعليش واستقبلت اتصال أن الرئيس هيكرم أدم.. وبدل ما يتكلموا عن حازم جوه الجامص مصر كلها هتتكلم عليه.. طلبي أن كل واحد يراعي ربنا في البلد ويعرف أن في ناس عايشة حياتهم مش كاملة وفرحتهم ناقصة".
