بعد الهجوم عليه.. عمرو أديب: "محمد صلاح لو مرجعش عنده حق"
عقب الإعلامي عمرو أديب، على الهجوم على لاعب منتخب مصر محمد صلاح، مشيرا إلى أنه متعجبا من هذا الهجوم الذي تعرض له صلاح الأيام الماضية، رافضا تحميل اللجان هذا الهجوم، معلقا: "في حقد دفين على صلاح ويتمنوا أن تزول النعمة منه".
الهجوم على محمد صلاح
وأشار أديب، خلال برنامج "الحكاية" المذاع عبر فضائية "إم بي سي مصر"، مساء الجمعة، "في ناس تريد أن تقضي عليه عشان مش قادرين يحصلوا على 10% مما حصل"، مشيرا إلى أن محمد صلاح الآن أسطورة، "وفي ناس مقدرتش تحقق ربع اللي عمله محمد صلاح، وتحاول تقتله وتتخلص منه".
وأضاف أديب مندهشا: "أنتم يا مصريين يا شعب مش بتثقوا في صلاح بعد الأرقام القياسية اللي حققها مع المنتخب.. ماذا يفعل صلاح"، متابعا: "الناس بتقابل صلاح في إنجلترا بتطمن عليه، وبلده بيقولوا عليه ممثل وجبان.. الراجل ده لو مرجعش عنده حق، إزاي بتفكروا في محمد صلاح كده، ده اللي وصلنا لكأس العالم، اهدوا شوية عليه، ليه متوحشين كده، اعقلوا وإهدوا"
