أحمد ماجد لـ "الفجر الفني": أحب التنوع في الأعمال التي أقدمها..هذا رأيي في نجاح المسلسلات القصيرة (خاص)
تحدث "الفجر الفني" مع الفنان أحمد ماجد وذلك بعد تألقه في آخر أعماله وهي مسلسل "صوت وصورة" الذي يعرض حاليًا وقد حقق نجاحًا كبيرًا، وكشف أحمد ماجد في تصريحات خاصة عن رأيه فى تقنية الذكاء الإصطناعي، وأفصح عن الأعمال التي يرغب في تقديمها، وصرح عن رأيه في نجاح المسلسلات القصيرة في الفترة الأخيرة.
كشف أحمد ماجد لـ "الفجر الفني" عن رأيه في فوائد تقنية الذكاء الإصطناعي قائلًا: "كل حاجة على حسب استخدامها متقدرتش تقول إنه ا مفيدة أو مُضرة إلا لما تكون عارف استخدامها هيستخدم إزاي".
وأضاف قائلًا: "أي حاجة في المجتمع هتلاقي لها الاستخدام السلبي والاستخدام الإيجابي فمقدرش أحكم عليها بفكرة السلب أو الايجاب، بس أقدر احكم عليها من فكرة استخدامها هيكون إزاي والتناول الخاص بها هيكون إزاي".
أزال الستار لنا عن الأعمال التي يرغب في تقديمها قائلًا:" أنا شايف أن فكرة الدور اللي انت عايز تقدمه أو ايه الأدوار اللى عايز تقدمها، انا بحس أن انا ك ممثل ببقا عايز أقدم أي شخصية أحب اعمل الطيب والشرير، وأحب اعمل ظابط ووكيل نيابة، وأحب اعمل صعيدي وفلاح، بالعكس بحس أن أنا عايز تكون كل شخصياتي مختلفة عن بعض".
وتابع قائلًا: "مقدرش أحصر نفسي في شخصية معينة وأقول هي دي اللي بحبها وعايز أفضل أعملها، بالعكس أنا كممثل ببقا عايز كل شخصياتي يكون فيها تنوع في الأدوار ويكون في شخصيات متنوعة ومختلفة عن بعض عشان تقدر تطلع منك طاقة جديدة أو تقدر تطلع فيها شكل تمثيلي يكون أقوي من اللي قبله".
وصرح لنا عن رأيه في نجاح المسلسلات القصيرة في الفترة الأخيرة قائلًا: "مفيش حاجة اسمها المسلسل يبقي قصير أو كبير أنه كدة هينجح أو هيفشل في الأول والآخر أنت لو بتعمل 10 حلقات وعندك الحبكة الدرامية تستدعي ال 10 حلقات بس يبقي المسلسل هينجح، طبعًا المسلسلات دي بتعتمد على الإيقاع وأحنا في الزمان اللي إحنا فيه ده الإيقاع بقا سريع جدًا".
وتابع قائلًا: "فبالتالي الناس بقت عايزة الحاجة تبقي سريعة، عادي أن اعمل المسلسل 30 حلقة أو 45 حلقة بس لو في إيقاع وحبكة درامية وأحداث متنوعة والمشاهد مشدود معاها هيشوفها، ف فكرة الحكم على مسلسل5 أو 10 حلقات أو 30 أو 45 أو 60 حلقة، هي بتتوقف على نوعية الدراما المقدمة والحبكة الدرامية بتاعت المؤلف وتناول المخرج ل الموضوع والممثلين طبعًا".
واختتم حديثه قائلًا: "ف ده أساسه نجاح وده أساسه نجاح لكن بيعتمد على الحبكة الدرامية أكثر من أي حاجة ثانية".
