السيسي يوجه بسرعة تنفيذ وحدات الإسكان الاجتماعي: "نبني مش وعود" (فيديو)
وجه الرئيس عبد الفتاح السيسي، الحكومة ووزير الإسكان بسرعة تنفيذ وحدات الإسكان الاجتماعي المعلن عنها، قائلًا: "مينفعش يتقدم طلب للإسكان الاجتماعي ونقدم للناس مش وعود لا نبني، تقول لي 700 ألف أنا هقول لكم وهقول للبرلمان موضوع الوحدات الشاغرة ما لم يكن هناك قانون يجعل الناس تنسى ثقافة الخوف على الوحدة السكنية اللي ممكن تديها لحد هتفضل الفكرة دي غير قابلة للنجاح".
وطالب "السيسي"، خلال كلمته على هامش جلسات اليوم الثاني لمؤتمر "حكاية وطن.. بين الرؤية والإنجاز"، اليوم الأحد، أعضاء الحوار الوطني بإجراء حوار شامل حول الإيجار القديم والشقق الشاغرة.
وتابع الرئيس السيسي،: "لما نيجي نتكلم الناس تقول لك دي مكتسبات اوعى تقرب، الناس اللي عملوا المكتسبات دي الله يرحمهم، ماتوا من زمان واللي موجود دلوقتي أحفادهم، أنت بتتكلم عن كتلة سكانية القانون ده اتنفذ سنة 1962، أنا بشوف النقاش وأقراها والحديث عن المكتسبات لناس ماتت واللي بعدهم ماتوا هو مدى الحياه"، لافتًا إلى أن ما تم يشكل عقبة حقيقة أمام استغلال 2 مليون وحده ثمنها تريليون جنيه وهذا حرام أن نفقد هذه القيمة ويفضلوا مقفولين.
