السيسي: محطات الإسالة توقفت في مصر عام 2011 بسبب "الأشرار"
قال الرئيس عبد الفتاح السيسي، إن محطات الإسالة توقفت عن العمل في عام 2011 بسبب المظاهرات من قبل الأشرار الذين كانوا يقومون بعمل مظاهرات تتسبب في وقف عمل الشركات التي كانت تلجأ إلى التحكيم.
وأضاف السيسي، خلال كلمته في مؤتمر "حكاية وطن" المذاع على فضائية "اكسترا نيوز" مساء اليوم السبت، أن محطات الإسالة على سبيل المثال توقفت في 2011 بسبب المظاهرات علشان الأشرار كانوا بيخلوا الناس تعمل مظاهرات والشركة تعمل علينا تحكيم بمليار دولار وإحنا في عرض مليار مليم.
وتابع: "المحطة مبتشتغلش ومطلوب كل الطلبات تقدمها للناس وهذا نتيجة حالة الفوضى اللي كانت موجودة، وكل كلمة قالها وزير البترول ورائها حكايات كتيرة وإحنا بنقولها علشان الناس تعرف، لما توقف الإنتاج بدأ يكون فيه أزمة غاز وبوتاجاز ووقود في مصر أعوام 2011 و2012 و2013".
واستطرد "الناس متعرفش ليه مفيش سولار وعايز يدخل المحطة يلاقي فيه وقود وهذا علشان يجي لازم شركات تشتغل وتجيبه يعني نشتريه بالدولار".
