أديب عن جولة أحمد الطنطاوي على مراكز الشهر العقاري: "مشهد مريح"

توك شو

عمرو أديب
عمرو أديب

عقب الإعلامي عمرو أديب، على تفقد أحمد الطنطاوي المرشح المحتمل لرئاسة الجمهورية  عدد من مراكز الشهر العقاري اليوم، قائلا: "مشهد مريح للجميع.. الراجل نزل بنفسه في الشارع، هل حصل أي حاجة، ولا أي حاجة"، واصفا إياه بالمشهد السياسي.

الانتخابات الرئاسية

وقال أديب، خلال برنامج "الحكاية" المذاع عبر فضائية "إم بي سي مصر"، مساء الجمعة، "هنا ناس قالت السيسي، وهنا ناس قالت الطنطاوي.. هى دي الانتخابات، وممكن يحصل مشاحنات، وده الطبيعي، حالة الشك انتهت، إحنا داخلين على انتخابات رئاسية واللي هيجيب توكيلات أهلا وسهلا".

وأضاف الإعلامي عمرو أديب، "اللي مضايق النهاردة هو اللي كان عايزها تضلم، وكانوا عايزين خناقة.. وأكتر ناس فرحانة النهاردة هم أنصار الرئيس السيسي"، لافتا إلى أن الانتخابات فرصة لنقل الرسائل، مشددا على ضرورة المشاركة في الانتخابات الرئاسية، والإدلاء بالصوت الانتخابي.

وتابع، “أهم حاجة تشارك، وفرقوا بين العمل الانتخابي والمظاهرات، مش عايزين فوضى، بحلم بعملية سياسية منضبطة، وفي إطار قانوني".