أنغام: أسرتي مكنتش سعيده مع بعض.. ومش هحب تاني لأني معنديش مقومات العلاقة الناجحة

حلت المطربة أنغام ضيفة على برنامج "ABtalks" الذي يقدمه الإعلامي أنس بوخش، عبر قناته لشخصية "يوتيوب".

وتحدثت أنغام لأول مرة عن تجاربها الزوجية وتعرضها للطلاق أكثر من مرة، قائلة: "مش هقول إني أنا الغلطانة في الطلاق ولا هو الغلطان، لكن أنا عملت اللي أقدر عليه، ومقدمتش شخصية مختلفة عن شخصيتي، يمكن هما ادعوا شخصيات غير اللي انتهينا بيها، وأكيد أنا بنجذب للرجالة الغلط".

أنغام: مش هحب مرة ثانية

وردا على سؤال ماذا تعلمت بعد كل طلاق، قالت أنغام: "أني كتير بدي اللي قدامي حق لا يستحقه أو حجم مش حقيقته، وبحاول أكبره جنبي وده مش صح، وبعترف إني مكنتش حذرة ومعنديش المقومات ومش هحب مرة ثانية، أنا مش حمل أذية".

وعن رأيها في سبب خيانة الرجل لزوجته قائلة: "إنه مش مكتفي وفي حاجة ناقصاه، لازم يكبر شوية ويكتمل في ذوقه ويعرف بيحب إيه ومش بيحب إيه".

أنغام: مش هنسى إني كنت بدخل أعزف بيانو وصوابعي هتتكسر من البرد وأنا عندي 6 سنين

وعن مرحلة طفولتها قالت أنغام عن: "جزء من القسوة في طفولتي إن تعليمي كان موسيقي من سن 6 سنوات، ومش هنسى إني كنت بدخل أعزف بيانو وصوابعي هتتكسر من البرد".

أنغام: أسرتي مكانتش أسرة سعيدة

وأستكملت حديثها قائلة: "أسرتي مكانتش أسرة سعيدة، وشيلت من بدري حاجات مش عايزة أشيلها، لإن أبويا وأمي إتجوزوا صغيرين، وجزء من المعاناة في رأيي إنك تيجي طفل لأطفال".

وأضافت: "أب وأم مش سعداء مع بعض، والأم لما تكون مش سعيدة ومقهورة ومش عايشة سنها، ومش محبوبة كفاية من الراجل ده بينعكس على الطفل، وتحس إنك كورة في البيت، كل واحد زعلان يشوتك في وش الثاني".

حفل أنغام 

ومن ناحية أخري، أحيا المطربة أنغام يوم الجمعة الماضية حفلا غنائيا ضخما ضمن فعاليات مهرجان العلمين.

وقدمت أنغام مجموعة مميزة من أغانيها الجديدة والقديمة التي تفاعل معها الحمهور، ومنها: "حالة خاصة جدا" و"بتعدى السنين"، و"مجبش سيرتى" و"ولا دبلت" و"هو نفس الشوق" و"سيبك انت" و"روحى" و"حبيتك" و"لوحة باهتة" و"عمرى معاك" و"عشان أرضيك".