رامي صبري يرد على تصريحات تامر عاشور: "تستحق تكون معايا على مسرح واحد"

رد المطرب رامي صبري على تصريحات النجم تامر عاشور عنه في برنامج "حبر سري" مع الإعلامية أسما إبراهيم على قناة القاهرة والناس، بعدما سألته عن الأجر الذي حصل عليه رامي في حفلتهم الأخيرة معًا، وعما إذا كان قد تقاضى أجرًا أكثر منه. 

ورد تامر عاشور قائلًا: "أنا معرفش هو خد كام ولكن لو طلب قد أجري 10 مرات فهو يستحق، ولكن هيا مش بالسعر بالأداء والأغاني وحب الجمهور".

وبعد هذا التصريح قام رامي صبري بالرد على تصريحات تامر عاشور عبر خاصية الأستوري الخاص بحسابه الشخصي على موقع تبادل الصور والفيديوهات “إنستجرام”، قائلًا: "شكرًا ياتموره على كلامك عني ودايمًا لما بيكلموني اختار حد معايا في حفلة داخل أو خارج مصر باختارك انت أول واحد؛ لإنك فنان وموهوب وتستحق إنك تكون معايا في حفل واحد وعلى مسرح واحد وجمبي في دعاية الحفل".

آخر أعمال رامي صبري

يذكر أن آخر أعمال رامي هو ألبوم "معايا هتبدع" الذي تم طرحه منذ أشهر وضم 8 أغاني هما "معايا هتبدع، يمكن خير، لما بيوحشني، إحنا في حته تانية، إنت الأصل، بتفتكرني ساعات، حبينا، فاكر نفسك هدية".

ولكن تظل "يمكن خير" هي أكثر أغاني الألبوم تحقيقًا للنجاح حتى الآن، بأكثر من 45 مليون مشاهدة على يوتيوب.

كلمات أغنية "يمكن خير"

وتقول كلمات الأغنية: 

ولا وقته اننا نتحاسب
ولا وقته إني ألوم ولا اعاتب
إيه إيه هيفيد

على اد ماقلبي وجعني
وانا شايفك جاي تودعني 
وماشي ماشي بعيد
يمكن خير

ومين يندم على اللي يبيع سنين ويهد أحلامه في يومين ويبيع اوام
هنساك واعيش واهو حب راح وخلاص مفيش لهواك مكان ميهمنيش
خلص الكلام

ولا وقته اننا نتحاسب
يمكن خير عشان كان لازم ابعد من زمان
انا وانت ميسعناش مكان والبركة فيك
موضوعنا مات مبقاش خلاص في معجزات وبلاش نقلب في اللي فات راح عليه.