12 تصريح هم الأبرز في حلقة تامر عاشور ببرنامج حبر سري
حل الفنان تامر عاشور مساء أمس ضيفًا على برنامج حبر سري في موسمه الجديد والذي تقدمه الإعلامية أسما إبراهيم عبر قناة القاهرة والناس، والذي تحدث فيه عن الكثير من الأمور الشخصية والساحة الفنية.
أبرز تصريحات تامر عاشور
-من وجهة نظري الغناء بالذكاء الاصطناعي مش هينجح ولا هيشوف النور، لأن أنا عارف أن مش أم كلثوم اللي بتغني والجمهور مش حد عابر.
-مشوفتش تجربة عمرو مصطفى مع مي فاروق، ومي فاروق أصلًا صوتها لوحده حكاية ومش محتاجة أي ذكاء اصطناعي، وأم كلثوم كانت موجودة وربنا افتكرها.
-عمرو مصطفى شخص متجدد والموسيقى بتاعته ناجحة على مر التاريخ مع فنانين كبار ولكن ده لا يُعطي الحق لأي حد أنه يقيم الوسط الفني عمومًا.
-بيصعب عليا يطلع حد مصري يتكلم ويقول الصناعة انهارت طب ما انت في الصناعة، انهارت ازاي وانت موجود؟ ما انت عمود من أعمدة صناعة الموسيقىمش مع أي شخص يطلع يقرر إن الموسيقى انهارت، وأنا بقول إن مفيش شخص يشوف ده، صناعة الموسيقى زي الفل واحنا طول عمرنا عندنا فنانيين كتير جدًا.
-أغاني اتعمل منها مهرجانات وتم تغيير كلمات الأغاني.. وبحب اسمع من المطربين الشعبيين حكيم والليثي وعبد الباسط وأحمد شيبة وحسن الأسمرفي مهرجانات ناجحة وده شيء كويس ولكن في النهاية دي تقليعه، مش هنيجي مثلا بعد 10 سنين نلاقي مهرجانات مستمرة.
-لا يمكن أغني مهرجانات مستحيل وهو مش لون فني ولكن هو تقليعه، والسوق مستوعب أن المهرجانات تنجح دي حاجات تخص السوق.
-مخدتش في التلحين إلا سنتين أو ثلاثة ومعرفش مين كان بيسرب الأغاني ولكنه خدمني وبقيت مشهور وعملت سيط وأول أغنية اتسربت كانت ذكريات كدابة
-أنا كنت بلحن وبغني في نفس الوقت وفي أغاني اتسربت ليا ونجحت وبعدها علطول وقعت مع شركة إنتاج وبعدين عملت ألبوماتبلحن من زمان وعمري ما كنت بفكر في الموضوع المادي، وعملت حفلات وطبيعي يكون أجرك كمطرب أكبر وأعلى.
-كسبت فلوس أكثر كمطرب من التلحين والوظيفتين مختلفتين عن بعض، وكل واحدة من الوظيفتين ليها أجر مختلف وفلوس التلحين قوية ولكن الغناء أكثر.
