شيرين عبد الوهاب تنفصل عن مدير أعمالها إيهاب صالح (تفاصيل)
أعلن الاذاعي ايهاب صالح انفصاله رسميا عن إدارة أعمال الفنانة شيرين عبد الوهاب من خلال تغريدة له منذ قليل عبر موقع “ تويتر”.
تغريدة إيهاب صالح
وكتب ايهاب صالح: "جمهور شيرين العظيم، الحمد لله علي نجاح حفل جدة كما كان متوقع وده العادي بتاع شيري في أي حفلة.
وأضاف: “أجلت الاعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة اللى فاتت ليها في المقام الأول وطبعا بعد كدة ليا”.
واستطرد: “قررنا إن من الافضل لينا إن نحط صداقتنا والعشرة قبل أي حاجة وإني ابتعد عن إدارة أعمالها وده أكيد لمصلحة الطرفين ولينا أسبابنا، مبروك وشكرا يا شيري من كل قلبي ويا رب اكون كنت على قد وعدي وكلمتي ليكي انى دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الالبوم على أبواب ومتأكد إنه هينجح نجاح غير عادي”.
وختم: "فرحان بشكل ملوش وصف بنجاحك ورجوعك بالقوي دي وده إللي اتعودنا علية منك طول السنين دي، أنا كدة كدة دايما موجود زي مانتي عارفة وربنا يديم كل أللى بينا على خير وأسف لو في أي لحظة كنت قصرت معاكي باي شكل. أحب اشكر كمان جمهورك اكيد إللي مشوفتش منوا غير كل خير وحب، شكرا بجد من كل قلبي، طبعا واكيد شكر كبير لسيادة المستشار تركي ال الشيخ (أبو ناصر) على كم الدعم الكبير منوا، بمجرد إنه شاف صورة رجوعك للاستوديو وقد إيه كان مهتم بشيرين و مقدر قيمتك وتقديرك بشكل يليق بيكي صوت إحساس العرب وده مش غريب علية ودايما في ضهر كل الفنانين العرب كدة كدة، دي شهادة حق لازم تتقال.
وتألقت الفنانة شيرين عبد الوهاب، بظهور مميز على مسرح جدة وسط عدد كبير من الحضور.
وظهرت شيرين عبد الوهاب، مرتدية فستان من اللون البينك اللامع مستخدمه مكياج جذاب وتسريحة شعر بسيطة.
