عمرو أديب يوجه نداء عاجلا للرئيس السيسي بسبب بني سويف
وجه الإعلامي عمرو أديب، نداءً للرئيس عبد الفتاح السيسي لإيجاد حل لأزمة أصحاب المحلات المنكوبة في بني سويف، بعدما تعرضت محلات معرض شباب مصر في المحافظة لحريق مدمر، أمس الأحد.
محتاجة كلمة من الريس
وقال الإعلامي عمرو أديب، خلال مقدمه برنامجه "الحكاية"، المذاع عبر فضائية "إم بي سي مصر"، مساء اليوم الإثنين: "أنا قديم في الشغلانة دي والموضوع ده محتاج تدخل واحد بس.. هي محتاجة كلمة من الريس، ده رزق ناس والناس مش ناقصة اليومين دول، الموضوع محتاج جبر خواطر وطبطة، والناس دي محتاج تسمع خبر وحل للي هي فيه".
الناس محتاجة الجبر والغوث
وأضاف عمرو أديب: "أي جهة تكون بتشوفنا دلوقت توصل للرئيس: "الناس دي محتاجة الغوث والجبر.. لو الرئيس يقدر يدي توجيهاته لأي جهة تنزل تشوف ده.. الموضوع مدمر ومحتاج تدخل سريع لأن دول محتاجين جبر وتدخل سريع".
تعويضات عاجلة للمتضررين
وناشد الإعلامي عمرو أديب وزيرة التضامن بعمل تعويضات للمتضررين، كما ناشد محافظ بني سويف بالبحث عن حل لهؤلاء الناس سريعًا، قائلًا: "نشوف هياكلوا منين، ونيجي على العيد الكبير تكون الناس دي شغالة وحد جاي يشتري منهم يعوضهم".
وكان معرض شباب مصر في محافظة بني سويف تعرض لحريق هائل أمس الأحد، ما أتى على كافة المحلات الموجودة بالمعرض عن آخرها، والتي تشمل محلات ملابس وأدوات منزلية وغيرها.
