في كل مكان تكذبي.. ميار الببلاوي تهاجم وفاء مكي لهذا السبب

تراجعت الفنانة ميار الببلاوي عن تصريحاتها الأخيرة التي أكدت فيها براءة الفنانة وفاء مكي في قضية تعذيب الخادمتين الصغيرتين، حيث كشفت ميار الببلاوي  عن كذب وفاء مكي وأنها من قامت بتعذيب الخادمتين، متعجبة من دفاع الأخيرة عن نفسها حول براءتها.

ميار الببلاوي تهاجم وفاء مكي

وقامت ميار الببلاوي بكتابة  منشور  عبر حسابها الخاص على موقع التواصل الاجتماعي فيس بوك، وعلقت قائلة: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أو علشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.

وأضافت: أنا قلت شكوكي وموقف حصل، الحمد لله إنه كان ولا هيقدم ولا يأخر سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد دا، وبعد مقريت التحقيقات والتقارير قد إيه أنا كنت هبلة.

وأختتمت: في كل مكان تكذبي وأنتِ عارفة إنك مش مظلومة، وأنا الحمد لله أتاكدت إنك مذنبة، والحكم عين الحقيقة كده لما جولى مكنوش جايين من عندها، وكده المخدمتيه كذابة، شاهد العيان ده ريح قلبي، اخرسي بقى حسبى الله ونعم الوكيل فيكي، لا وليكي عين تكذبي وتقولي إنك بريئة، وقال كمان مش مسمحاني أخس.

وكان تصدرت وفاء مكي تريند موقع التغريدات تويتر، بعد تصريحات ميار الببلاوي الأخيرة والتي جاءت فيها دليل براءتها في قضية تعذيبها خادمتين التي مر عليها 22 عام.

انهارت الفنانة وفاء مكي، من البكاء، على الهواء، بعد تصريحات ميار الببلاوي الأخيرة والتي حملت دليل براءتها في قضية تعذيبها خادمتين التي مر عليها 22 عامًا.
 

رد وفاء مكي على تصريحات ميار الببلاوي

وصرحت وفاء مكي  أثناء إستضافتها ببرنامج "الترابيزة" الذي تقدمه الإعلامية أميرة بدر والمذاع على قناة هي: كنتي بتنامي إزاي وبتاكلي وتشربي إزاي وإنتي ظالماني يا ميار الببلاوي، ومعاكي دليل براءتي وكتمتي الشهادة.

وتابعت باكية: "كنت بقول لها إنتي معاكي دليل براءتي تعالي وقولي كلمة حق، كنت بنادي لك يا ميار وأقول لها تعالي أبوس إيدك تعالي قولي كلمة حق واشهدي واتقي الله وقالت أنا ما كنتش موجودة ولما رجعتي بعد 6 شهور وعرفتي إني أخدت 10 سنين سجن ليه ما رحتيش للنقابة وساعدتيني وبرأتيني وساعدتيني أخرج من السجن، على الأقل علشان ضميرك يبقى مرتاح ولحد امبارح طلعت عيني علشان تنطق بالحق.

وأضافت: أقسم بالله العظيم معرفش إن حد هدد ميار الببلاوي حال شهدت في قضيتي وقالت كلمة الحق، بس لو حد هددها تبرأ ذمتها من الله علشان ترتاحي وفي الآخرة هتقابل ربنا إزاي؟ هتواجهي ربنا إزاي؟ اللي بيكتم الحق دا شيطان أخرس.