أحمد فهمي: أنا بحب الكتابة جدًا وخالد يوسف طلع عينه في الدراما

كشف الفنان أحمد فهمي من خلال تصريحات صحفية عن سبب عدم غرازته في الكتابة، موضحًا  أنه مازال على وعد مع أحمد حلمي، لتنفيذ الجزء الثاني من فيلم كده رضا. 

وصرح قائلًا: أنا بحب الكتابة جدا بس مفيش وقت ليها، والسنة دي عندي 3 مشاريع، والسنة اللي جاية 3 أو 4 مشاريع كمان، والموضوع بيبقى صعب أوي في الكتابة، ومرتبط مع حلمي بكتابة الجزء التاني من فيلم كده رضا بس مفيش وقت خالص. 

وتحدث أيضًا عن تصريح المخرج خالد يوسف، بشأن عدم تكراره تجربة إخراج الدراما مرة أخرى بعد مسلسل سره الباتع، وقال: خالد يوسف طلع عينه في الدراما كأول تجربة له، وموت نفسه في العمل، الراجل تعب ومش بيجب يسيب مخرج تاني أو المساعد هو اللي يعمل الشغل مكانه، ومكنش بينام، وقولتله بعد تصريحه ده متقولش بالصيغة دي عشان هتتفهم إن نتيجة مسلسل سره الباتع هي اللي وحشة. 

وتابع: بس هو بيتكلم إن المجهود كان صعب أوي، خصوصا إن إحنا في مصر بنعمل 30 حلقة في وقت قليل أوي، فده متعب وفي تحت الوصاية العمل متقن وممكن يكون الأفضل فنيا، لأنه 15 حلقة مكتوبة حلو جدا، ومع مخرج منظم

أبطال مسلسل سره الباتع

والعمل من بطولة  أحمد فهمي، ريم مصطفى، أحمد السعدني، حنان مطاوع، حسين فهمي، نجلاء بدر، عمرو عبد الجليل، صلاح عبد الله، هالة صدقى، أحمد عبد العزيز أحمد وفيق، منه فضالي، أحمد عبد العزيز، محمود قابيل، عايدة رياض، خالد سرحان، مصطفى درويش، علاء حسني، ناهد رشدي، أيمن عزب، أيمن الشيوي، مفيد عاشور، مجدي فكري، محمد الصاوي، ميسرة، صبري عبد المنعم، عمر زهران، خالد طلعت، شريف حلمي، محمود عزت، عفاف مصطفى، هايدي سليم.

قصة مسلسل سره الباتع

وتدور الأحداث حول شاب يبحث عن سر مقام "السلطان حامد" الموجود في إحدى قرى الريف المصري، ويقوده البحث عن اللغز إلى وقت الحملة الفرنسية على مصر، ويُكتشف أن صاحب المقام لعب دورا هاما في مقاومة الاحتلال، حيث قام بقتل أحد قادة الجنود ولذلك أطلق الاحتلال حملة للقبض عليه خاصة أن له علامة مميزة وهي وشم عصفور على وجهه وأربع أصابع فقط في يده، ولكن يقع الجنود في ورطة عندما يقوم الشباب في القرى التي يهرب إليها بقطع إصبع من أصابعهم ورسم نفس الوش على وجوههم لتضليل الجنود والحفاظ على حياة "حامد".