ناهد السباعي: "ممكن أتجوز يهودي أو مسيحي لأننا كلنا أديان إبراهيمية لكن إسرائيلي لأ"
أثارت الفنانة ناهد السباعي الجدل بعد تصريحاتها في برنامج “VIP” حيث قالت الفنانة ناهد السباعي، إنه ليس لديها أي مانع لتتزوج من شخص مسيحي الديانة، على الرغم من كونها مسلمة.
ناهد السباعي: “كلنا بنعبد رب واحد”
وتابعت ناهد السباعي خلال لقائها في برنامج “VIp”مع الإعلامية أميرة بدر على قناة "هي": شايفة إننا كلنا بنعبد رب واحد وكلنا أديان إبراهيمية، ممكن اللي أنا شايفاه يبقى غلط وحرام، وأنا مش ضد الجواز من حد مسيحي.
تصريحات ناهد السباعي
واستكملت ناهد السباعي حديثها: لو حبيت حد يهودي هتجوزه برضو عادي، نفس موقفي من المسيحي هوافق، ولكن إسرائيلي لأ طبعا، وأنا بحب المراسم الدينية في الجواز، ومبحبش المراسم المدنية، وبحب زي ما في مراسم في الجوامع وبحب شكل الأفراح في لبنان، شفت زفة فيها أجراس وأذان، ولكن لو حاجة حرام مقدرش أعملها.
وأضافت ناهد السباعي: عشان تبقي مؤمنة لازم تبقي مؤمنة بأديان ربنا كلها، يعني أولادي يكونوا مؤمنين بالثلاث أديان، وهعلمهم الطقوس الإسلامية، أنا تعليم مدارس راهبات، اللي هيدخل الجنة في الآخر هو المؤمن.
ناهد السباعي تكشف عن تجميد بويضاتها
ومن جهة أخري، كشفت الفنانة ناهد السباعي، عن تجميد بويضاتها بطلب من والدتها المنتجة ناهد فريد شوقي، قائلة: طبيعي كان نفسي أكون أم، وجمدت بويضاتي بـ طلب من والدتي، وكان لازم أجمد بويضاتي علشان مكونش متسرعة في اختيار شريك يكون معايا أضطر أخلف، واختار شريك حياتي بشكل أحسن، ومكونش خايفة من المستقبل، وأريح والدتي وأختي، وعلشان يكون اختياري سليم ونفسي يكون أولادي شبه والدهم.
أما عن أغرب المعاكسات التي تقلتها ناهد السباعي، فقالت: على طول بضحك لما بتعاكس، وكنت عاملة مشهد في فيلم إكس لارج، والناس حافظة كلام المشهد وبقوا يقولولي أنا بحب البوس أوي وعندي 4 حسنات في ضهري، إيه دا ليه حد يقول كده، دي من أغرب الحاجات اللي بسمعها وبضحك أوي عليها ودا لما مشهد ينجح.
مواعيد عرض برنامج “vip”
ومن جهة أخري، يُشار إلى أن برنامج vip يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.
