شاهد.. السيسي يمازح أسر طلبة أكاديمية الشرطة: "هنسمحلهم بالإجازة وبلاش تأكلوهم كتير"
مازح الرئيس عبد الفتاح السيسي، أسر طلبة أكاديمية الشرطة، خلال الجولة التفقدية التي قام بها اليوم الأربعاء بشأن نزول طلبة وطالبات التدريب لقضاء إجازة قبل بداية شهر رمضان المبارك.
وقال "الرئيس السيسي" خلال كلمته في الجولة التفقدية اليوم الأربعاء، "كل سنة وأنتم طيبين وأهلا وسهلا بيكم أنا برحب بكم وسعيد إني بلتقي بكم شجعتم أبنائكم أنهم يكونوا موجودين معانا هنا في الأكاديمية وده أمر مهم هتشوفوا أنه خلال 3 أشهر لقيته الفرق والتغيير اطمئنوا عليهم ونهنئكم عليكم لأنهم شباب وشابات حاجة تفرح".
وأضاف "كل التدريبات اللي إحنا شفناها حاجة تطمئن وتفرح بشكركم مرة تانية وإحنا هنسمحلهم ينزلوا معاكم إجازة وكل سنة وأنتم طيبين، ربنا يخليكم وربنا يكرمكم اللي حفظ مصر واللي هيحفظها ويكبرها ربنا وأنتم الأسر اللي زيكم الناس اللي ربت ولادها وكبرتها وبتقدمها لمصر".
وتابع "بكم وباللي عملته وبالشباب والشابات اللي ربتوهم وجهزتوهم أحسن تركيز ده أنتم مش حد تاني ربنا يحفظكم ويحميكم بلاش تأكلوهم كتير في الإجازات وإن شاء الله تسعدوا بيكم وربنا يحفظكم".
