محمد موسى لـ "نهاد أبو القمصان": المُسنة من حقها تحج دون محرم (فيديو)

شن الإعلامي محمد موسى، هجوما حادا على نهاد أبو القمصان، رئيس المركز المصري لحقوق المرأة، بعد نشرها صورة لها أمام الكعبة معلقة عليها: "أول واحدة تزور مكة دون محرم وتدخل الكعبة بالتربون".

وقال موسى، خلال تقديم برنامج "خط أحمر" على قناة الحدث اليوم: "بتتباهى بوجودها في بيت ربنا دون محرم يعني من غير راجل عايزة تقول يعني حتى الحاجات اللي متنفعش تتعمل من غير راجل في الوقت الحالي بقت تنفع وإنها أول واحدة تطبق القرار الجديد يعني حتى في بيت ربنا المكان اللي المفروض يكون للعبادة والخشوع برضوا طالعة تقولي أنا أول واحدة".

وتابع: "لا يا حاجة نهاد حضرتك مش واخدة بالك إن الست فوق الأربعين وهي داخلة على الخمسين والستين بتكون ست مسنة وبتروح تعمل حج وعمرة من غير محرم أصلا وده من زمان مش من دلوقتي يعني حضرتك كنتي تقدري تروحي مكة من غير محرم من عشرة عشرين سنه فاتوا عادي".