تامر حسين يوجه رسالة للنجمة نبيلة عبيد

وجه الشاعر تامر حسين رسالة للفنانة نبيلة عبيد بعد نشرها مقطعًا من أغنيته مع حسين الجسمي عبر حسابها الشخصي على موقع" إنستجرام '.

منشور تامر حسين

وكتب تامر حسين: "شكرًا لنجمتنا الكبيرة الأستاذة نبيله عبيد عن كلامها عن أغنية 
يارب تكون بخير للفنان حسين الجسمى وتقديرها للصُناع  لفته طيبة من حضرتك كالعادة".

تصريحات سابقة لتامر حسين عن عمرو دياب وتامر حسني 

وقال الشاعر الغنائي تامر حسين إنه كسر القاعدة المتداولة في الوسط الغنائي، بأن من يتعاون مع عمرو دياب لا يتعاون مع تامر حسني والعكس.

وأضاف "حسين" خلال حواره مع الإعلامية منى الشاذلي في برنامج "معكم منى الشاذلي" على قناة cbc، أن هذه القاعدة المتداولة استفزته ودفعته للتعاون مع تامر حسني، قائلا: "أنا عشان كده كتبت لتامر حسني، ده كان أكتر سبب مستفز، لأن أصلا عمري ما شوفت عمرو دياب مهتم بصراعات، وأكيد تامر في الناحية التانية زمايله ما سمعوش ده".

وتابع: "حسيت إن الناس كانت عاملة حساسية ومحدش كسرها، حتى تامر كان متخيل إن ممكن يبقى في حساسيات وكده وتامر بيحب عمرو دياب جدا وبيحترمه وقالي ده".

وبسؤاله عن بداية التعارف بينه وبين الفنان عمرو دياب، قال تامر حسين: "أعرف عمرو دياب من 2007 كنا اتقابلنا في ألبوم (الليلة دي) بس محصلش نصيب.. ثم سمع أغنية من الملحن عمرو مصطفى اسمها (مكنتش ناوي اودعك) ونزلت واتسربت في 2008، جينا في 2009 عملت معاه أغنية (وياه) واللي كانت وش السعد كله، والكيميا بينا كويسة أو ي في الشغل".

تامر حسين وعمرو دياب

يضيف: "أنا أصلا طول عمري من معجبينه، ولما قربت منه ع المستوى الشخصي حبيته أكتر إنسانيا.. وفي حاجة غريبة لاحظتها أول ما اتعرفت على عمرو دياب، كنت فاكره بيبالغ لما كل شوية يقولي عاوز أنجح.. فأقول في نفسي تنجح فين ده أنت بتنجح من وأنا صغير، فطلع كلامه ده حقيقي عنده.. لحد السنة دي بيقولي عاوز أنجح.. عنده شغف وطاقة غريبة ما شاء الله عليه".