رامي صبري: "بتمنى في 2023 سعر الدولار ينزل"

تحدث الفنان رامي صبري عن أمنيته في السنة الجديدة ٢٠٢٣، مشيرا إلى أنه يتمنى انخفاض سعر الدولار واستقرار الحالة الاقتصادية.

تصريحات رامي صبري 

وأضاف خلال حواره مع الإعلامية شافكي المنيري قائلا: “أكتر حاجه عايزها  في 2023 إن الدولار سعره ينزل والحالة الاقتصادية تتظبط مع الناس لأني بزعل جدا وبتأثر لما بشوف حد مش بيشتغل وإني لازم أعمل حاجة”. 

وتابع: "الرئيس عبد الفتاح السيسي،  بيطلع يقولنا إن كل واحد في شغله لازم يقدم اللي يقدر عليه، أنا بحاول وبحاول إني أساعد لو حد مشتغلش بساعد".

أول تعليق من رامي صبري بعد اتهامه بسرقة لحن

وجه الملحن عمرو مصطفى رسالة لـ المطرب رامي صبري، وذلك من خلال حسابه على موقع التواصل الاجتماعي “فيسبوك”.

وكتب عمرو مصطفى قائلا: "اعزائي الصحفيين رامي صبري اول واحد باركلي هنا علي الصفحه علي الالبوم الجديد يمكن هو الفنان الوحيد، بحبه جداا كفنان وانسان وبحب جدا (استفزه ) بس هو تأثر بالاغنيه رقصه وعادي حبيت بس اقولها (بهزار ) بس عيب الصحافه تكتب سرق في الأول والاخر ده زميل وصديق وعشره عمر وعادي تتوارد الافكار بتحصل بس دي اخر مره يا رامي حبيبي والله".

طرح “معايا هتبدع”

وأعلن  رامي صبري عن طرحه أغنيته الرابعة من الألبوم “ معايا هتبدع” عبر مواقع التواصل الإجتماعي فيس بوك وموقع الفيديوهات والصور إنستجرام قائلًا" إحنا في حتة تانية..رابع أغنية من ألبوم معايا هتبدع دلوقتي على يوتيوب وجميع المنصات الموسيقية" 

كلمات أغنية "احنا في حته تانية"

أنا بايني بدأت أحبك
لا أنا شكلي بقيت بحبك
طب أنا بقى فعلا بحبك يبقى اخبي ليه
اه يا أبو ضحكة مجنناني
حن بقى خليك مكاني
قولي اعملك إيه تاني قولي اعمل إيه
لا عارف اللي عملته فيا ولا غيرك هيحس بيا
دا أنت تقريبا هدية جاتلي من الحياة
أنا لا أد البعد عنك ولا عمري شبعت منك
دا أنا بحس إنك كأنك فيك شئ لله.

إحنا في حتة تانية أيوة احنا في حتة تانية
جمبك هي ثانية بتاخدني لأحلى دنيا
حبيبي أنا بحب حكايتنا وبعشق تفاصيل حالتنا
مفيش ولا إحساس فايتنا دانا يا بختي بيك
كل يوم هتكون معايا أنا هحبك من البداية
كلامي ليك ملهوش نهاية مهما قولت فيك 

جدير بالذكر أن يحتوي الألبوم" معايا هتبدع" والذي قد طرح منها حتي الآن منذ شهر ديسمبر الجاري أربعة أغنيات وهما" ما يمكن خير، لما بيوحشني، إحنا في حتة تانية، معايا هتبدع"