عمرو أديب للمصريين: "مقدرش ألعب معاك في الأسعار"
قال الإعلامي عمرو أديب، إن الإعلام هو مجرد ناقل فقط للأخبار والأحداث التي تحدث في السوق، ولكنه ليس المسؤول عن ارتفاع أو انخفاض الأسعار.
وأضاف "أديب" خلال تقديم برنامجه "الحكاية" المذاع على فضائية "إم بي سي مصر": "ساعات يقولك الإعلام لا دور له وبعدين يقولك لا الإعلام هو اللي بيودي شمال وبيودي يمين".
وتابع "أنا في رأيي الإعلام من المؤثرين ليس هو الوحيد اللي بيودي أو أن يضر أو ينفع، عايزين ايه لما اجي اكلمك على الواقع والحقيقة تزعل ولما اجي اكلمك أن الحياة بمبة مسخسخ تزعل انتوا عايزين ايه قولولي انتوا عايزين ايه".
واستطرد "بعدين توجهون الأسهم للإعلام أن فيه تطبيل وتحسين الصورة بقالنا سنة بكلمك على الصورة مخلتش بيك مقولتلكش حاجة أنت مشوفتهاش إنما بعد شوية الاقي الناس تزعل".
وأردف "فيه حاجات مقدرتش العب فيها، في سعر الحديد والبيض والفراخ والدولار معرفش كلامي يذهب إلى الجحيم كل مصري أصبح اقتصاديًا كمية الفيديوهات اللي بتتعمل على الذهب والاقتصاد بقت أكثر دلوقتي على السوشيال ميديا".
واستكمل حديثه "إحنا بنحاول نقولكم ايه ما يحدث في الصحافة الأمريكية لما يبقى فيه جريمة يقولك إحنا ننقل الخبر ولكن مش أنا اللي قتلته أنا لو في ايدي اقول الأسعار تنزل هروح ميدان التحرير وأقول انزلي يا أسعار".
