ساندي تطرح برومو أغنية "الحالة الحالة".. "فيديو"

تعيش الفنانة ساندي حالة من الانتعاش الفني، بعد أن أطلقت أغنية "بعد التان" ونالت إعجاب المتابعين، أطلقت ساندي على مواقع التواصل الاجتماعي برومو أغنية جديدة "الحالة الحالة" وأعلنت عن صدورها خلال الفترة القادمة، لتكون ثاني أغنية من أغاني الميني ألبوم الذي من المرجح طرحه كاملًا خلال الفترة القادمة كما أعلنت مسبقًا، ويتضمن نحو 5 أو 6 أغاني ستطلق منفردة على فترات قريبة، ومن إنتاج الملحن عزيز الشافعي، ومن ألحان أسامة الهندي، وتتعاون في الألبوم مع مجموعة كبيرة من الشعراء والملحنين.

وفي سياق آخر كانت آخر أغنيات ساندى، "صحاب زمان" التي شاركها في غنائها  مطربى المهرجانات ريشا كوستا وسمارة ناو، وتم طرحها على طريقة الفيديو كليب، والأغنية من كلمات ريشا كوستا، والكليب من إخراج يوسف محروس.

أغنيه "صحاب زمان"

يا صحاب زمان راحت فين أيام زمان
الناس الحلوة والجيران، والله وحشتوني
إنتوا الناس الطيبين ولا غيرتها السنين
لما غيبت أنا عنكم يومين، أنا قولت إنتوا نسيتوني
في الشوارع والحواري والحكاوي ع القهاوي
اللي فيها ذكرياتي، هما دولا أغلى ناس
السعادة في البساطة وسط ناسي مافيش ألاطة
الشياكة والأناقة، هما دول أغلى ناس
هنجمع الحبايب يلا نرن ع الغايب
على اللي صاحي واللي نايم
واللي بقى له كثير ما جاش، والله كانت أيام جميلة
إمتى ترجع بس ليلة لم العزوة لم العيلة، آه
هنا حب الجدعنة والأصول هنا دول بيحبوا الخير لدول
هنا مش هتلاقي واحد يخون هنا كله تمام
في ما بينا حاجات ما بتتنسيش ضحك وهزار ما بينتهيش
هنا ناس أنا لا غيرهم ماليش وأجمل أوقات
طب عاملين إيه؟ أراضيكم فين؟
ده أنا بستنى أي مناسبة نتجمع فيها
وحشاني قعدتكم واللمة في بيتكم
ده كفاية هزارنا وأيامنا اللي أنا عايشة عليها
يا صحاب زمان راحت فين أيام زمان
(الناس الحلوة والجيران (والله وحشتوني
إنتوا الناس الطيبين ولا غيرتها السنين
(لما غيبت أنا عنكم يومين (أنا قولت إنتوا نسيتوني
كل سنة وإنت طيب إنت فين يا أبو قلب طيب
لو بعيد ومش قريب، ده إنت وحشني من زمان
إديني مسد ع الموبايل اللي بينا مش قليل
ما إنت أخويا عليّ اميل، إوعى تقطع السلام
لعب الكورة للفجرية الفرقة الجامدة المية مية
والساعة الحلوة اللي هي، هنا بيحلو الكلام
منطقتي باللي فيها كل سنتي وشبر فيها
ليّ ناس أتشرف بيها، واللي مني ناس تمام
هنا أصلي وفصلي ودنيتي
هنا شارعي وبيتي وحتتي
هنا ماضي وعمري بيبتدي
هنا مكاني ومنطقتي
هنا أهلي وناسي الطيبين
هنا عشرة قديمة ومن سنين
على الخير مع بعض متربيين
هنا كل صحابي وشلتي
تحويشة العمر في عينيكم السمر
دي الضحكة من القلب الصافية بتطلع وياكم
واحشني كثير صغير وكبير
ده مسير الأيام تجمعنا من ثاني على خير
يا صحاب زمان راحت فين أيام زمان
الناس الحلوة والجيران، والله وحشتوني
إنتوا الناس الطيبين ولا غيرتها السنين
لما غيبت أنا عنكم يومين، أنا قولت إنتوا نسيتوني.