عصام السقا يوجه رسالة لطلاب الثانويه العامه
قبل إعلان النتيجة.. عصام السقا يوجه رسالة لطلاب الثانوية العامة
وجه الفنان عصام السقا رسالة إلى طلاب الثانوية العامة قبل إعلان نتيجتهم اليوم، وذلك عبر صفحته الشخصية بموقع التواصل الإجتماعي "فيسبوك " حيث كتب عصام السقا:"اللهم لا تبكي طالب من طلاب الثانوية العامة إلا بدموع الفرح ..يارب اجبر بخاطرهم وبخاطر أهلهم جبرًا يليق بعظمتك".
الفنان عصام السقا ينعي بائع الفريسكا في مدينة الإسكندرية
وكان الفنان عصام السقا، قد نعى مؤخرًا الشاب يوسف بائع الفريسكا في مدينة الإسكندرية وذلك عبر حسابه الشخصي بموقع التواصل الإجتماعي "فيسبوك"، ونشر عصام السقا صورًا للشاب يوسف وحيث علق عليها قائلًا “ فاكرين يوسف اشيك بياع فريسكا في مصر”.
عصام السقا لبائع الفريسكا "بيبيع بطريقة فيها إبتكار
وأضاف السقا: “يوسف كان بيبيع فريسكا في محطه رشدي في اسكندريه، طلع تريند من فتره؛ لإنه كان بيبيع بطريقه فيها ابتكار شويه وكان مهتم بمظهره جدًا عشان الناس متحسش إنه بيشحت أو إنه اقل من حد”.
عصام السقا يشيد ببائع الفريسكا:"كان عايز يعيش بكرامه ويكسب بتعبه وعرق جبينه
وتابع السقا: “اتهان كتير وناس اتريقت عليه لكنه مفرقش معاه حد لإنه كان شايف هدفه في الحياه، اكتر حاجة احترمتها فيه إنه كان عايز يعيش بكرامه ويكسب بتعبه وعرق جبينه دون ما يستسلم أو يكره دنيته اللي عايشها أو يحتاج لحد، وبالطريقه دي كسب احترام كل اللي اتعامل معاه رغم بساطه اللي بيبيعه”.
عصام السقا: "ترك لينا ذكري جميله وأمل في إن الحياه محتاجة حد زي يوسف "
وأضاف عصام السقا: "للأسف اتوفى النهاردة في حادثة وساب وراه ولاده ومراته، كان عايز يوصل لهدفه لكن ربنا كان ليه اراده ومشيئه تانيه، مات لكنه ترك لينا ذكري جميله وأمل في إن الحياه محتاجه حد زي يوسف عشان يعرف يعيش الدنيا دي باحترام ويتأقلم معاها من غير ما يديها فرصه تكسره، مات لكن ذكراه مماتيتش،ربنا يرحمك ويصبر ولادك ويعوضهم غيابك".
اخر أعمال الفنان عصام السقا
وشارك الفنان عصام السقا، مؤخرًا في رابع حكايات الموسم الرابع من مسلسل "نصيبي وقسمتك"، والتي حملت اسم "حلوة اللقطة"، وشارك في بطولتها هاني عادل، ميرنا نور الدين، حمزة العيلي، توني ماهر، جيلان علاء، مصطفى هريدي، تأليف عمرو محمود ياسين وإخراج عصام نصار، كما شارك في دراما رمضان الماضي في مسلسل “يوتيرن” مع ريهام حجاج، و"الاختيار٣ "مع كريم عبد العزيز وأحمد عز، وحقق من خلالهما نجاحًا كبيرًا.
