رحمة حسن مطلوبة على "جوجل" بعد واقعة التحرش الإلكتروني

تصدرت الفنانة الشابة رحمة حسن محرك البحث الشهير "جوجل" بأكثر من 2000 عملية بحث خلال الساعات الماضية بسبب واقعة التحرش الإلكتروني التي شاركت بها جمهورها مؤخرًا عبر حسابها على "انستجرام".

حيث أنها نشرت عدة صور لـ أكثر من صفحة بـ أسامي زائفة تابعة لشخص واحد وأطلقت عدة "هاشتاجات" وقالت: "هام ده متحرش إلكتروني، متحرش سوشيال ميديا، ومتعدي خصوصية المكان"، ولكن الجمهور لم يفهم ما المقصود خاصة أن الصور لا تحتوي على أي كلمات مسيئة أو ألفاظ خادشة أو صور.

رد رحمة حسن على الجمهور

و سرعان ما ردت رحمة على تساؤلات الجمهور عن القصد بكلمة "متحرش إلكتروني" وقالت: "الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات، لو نزل صورة أو حاجة معاهم وحتى الناس اللي بشتغل معاهم أو أصحابي في العادي بيدخل يدور على الأكونتات بتعتهم ويبعتلهم أغاني وحاجات غريبة ويسأل عني أنا وبروح فين".

و أضافت: "كل أصحابي مش واحد بس عمل كده مع أكتر من حد متتبع الأماكن اللي بروح فيها ومش عارفة بيعرف منين أنا بقالي سنتين على الحال ده آخرها المكان اللي كنت مفروض أروحه بكرة عشان شغل".

رحمة حسن تتعرض لـ إصابة بسبب عضة كلب

ومن جهة آخرى، تعرضت رحمة لـ إصابة بسبب عضة كلب مفترس لها حيث أنها نشرت القصة عبر انستجرام وقالت: "مساء الخير إمبارح الساعة 11 بالليل كنت نازلة أجيب حاجة من السوبر ماركت جنب البيت، وكنت ماشية على الرصيف، وكان فيه عربية بتركن جمبي عادي، فجأة الباب اتفتح ولقيت كلب جيرمن شيبرد تقريبا مش متأكدة أوي، بيهجم عليا بكل قوته".

وأضافت: "طبعا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصحبته حاولت تشده، بس فك الليش بتاعه وعضني عضه كبيرة في منطقة حساسة، صاحبة الكلب كتر خيرها أخذتني فورا على مستشفى إمبابة أدوني حقنة تطعيم الكلب، ولسه فاضلي 4 هاخدهم خلال شهر، بس المشكلة إن من امبارح الجرح بينزف دم كتير".

وتابعت: "وأنا طبعا خايفة ومصدومة وتعبانة  وعندى تروم من امبارح، واللى واجعني أكتر أني مش عارفة أتصرف ازاى، خصوصا أنى اكيد مش عايزة الكلب يتأذي، بس كمان مش عاوزة أي إنسان كمان يتأذي ويتعض ويتبهدل في الشارع زيي، أنا كنت بشوف الكلب ده دايما مع صاحبته بتمشي بيه فى الشارع جمب البيت عندي، وعلشان شكله شرس كنت بامشي بعيد عنه".

رحمة تطمئن الجمهور على حالتها الصحية 

طمنئت رحمة الجمهور على حالتها الصحية من خلال نشرها لصورتها وقالت: " الصورة دي علشان أطمن الناس اللي سالت عليا إنشالله أبقى كويسة واحدة واحدة، أنا لسة بكمل الحقن وبغير على الجرح كل يوم بس الصورة دي علشان تطمن أصحابي وكل الناس الغاليين.. شكرا جدا.. ادعولي أبقى أحسن حقيقي".

آخر أعمال رحمة حسن

وفي سياق آخر، كانت آخر أعمال الفنانة رحمة حسن في السباق الرمضاني الماضي هو مسلسل "ملف سري" وهو من بطولة هاني سلامة، عائشة بن أحمد، ماجد المصري، إدورد، محمد محمود عبد العزيز، محسن محي الدين، ومن تأليف محمود حجاج، إخراج حسن البلاسي.