الاختيار يكشف: هكذا دافع "السيسي" عن الجيش في عهد مرسي

 كشفت حلقات الجزء الثالث من مسلسل الاختيار، دفاع الرئيس عبدالفتاح السيسي عن الجيش المصري عندما كان وزيرا للدفاع في الفترة التي تولى فيها الإخوان حكم مصر.

الإخوان والجيش

في بداية الحلقات، اجتمع خيرت الشاطر مع وزير الدفاع وقتها عبد الفتاح السيسي، في مبنى المخابرات الحربية، بحضور رئيس المخابرات عباس كامل من أجل هذا الهدف.

وطلب خيرت الشاطر من السيسي أن يكون هناك تعاون بين الجيش والإخوان لأن ذلك من مصلحة البلد، ويظهر السيسى وهو غير مهتم بشكل كبير بحديث خيرت الشاطر، ولكن الشاطر يفاجأ بتجاهل السيسي لكلامه، وحديثه مع عباس كامل عن الغداء قائلا: "عباس الغدا جاهز أصل شكل خيرت جعان".

مواجهة الإساءة للجيش

وشهدت الحلقة الثالثة عشر  وصول تقرير يكشف تورط مكتب الإرشاد فى إطلاق الشائعات وإهانة الجيش المصري إلى وزير الدفاع الفريق أول عبد الفتاح السيسى، الذى التقى ضابط المخابرات الحربية مصطفى خليفة (أحمد السقا) لمناقشته فى هذا الأمر.

ويؤكد السيسى لمصطفى أنه أرسل له الشكر هو وزملائه على المجهود واليقظة وأنها ليست جديدة عليه، ويسأله هل أنت متاكد أن الشائعات والأخبار مصدرها مكتب الإرشاد، ليرد خليفة: "متأكد يا فندم بعد التحريات والسير وراء العديد من المعلومات والبحث تم التوصل إلى أن اللجان تابعة لمكتب الإرشاد، وتحديدًا المهندس خيرت الشاطر، وأن هذه اللجان وراء شائعة الإقالة"، ليرد السيسى: "واضح إنهم مش قادرين يفهموا عقلية الجيش المصرى".

ويتحرك السيسى إلى قصر الاتحادية لمقابلة مرسى، ويقول له: "سيادة الرئيس، احنا اتكلمنا كتير فى الموضوع ده قبل كدة بس واضح إننا محتاجين نتكلم فيه تانى، المساس بالقوات المسلحة أمر غير مقبول ولن يكون مقبولا بأى شكل، القوات المسلحة التزمت الحياد طول الفترة اللى فاتت وبعيدة عن المشهد السياسى بكل صراعاته".

وأضاف السيسى: "يا ريت يا افندم تطلعوا الجيش بره الخناقة دى، الجيش المصرى جيش وطنى عظيم صلب وصلابته جاية من شرفه، احنا نستحمل الحديد نستحمل النار لكن نتخدش من الكلمة.. والإهانة فى العسكرية المصرية هي إساءة للكبرياء الوطنى، ومبنستحملهاش، واحنا اتحملنا كتير وكتير جدا طول السنتين اللى فاتوا".

وتابع السيسى فى حديثه مع مرسى: "احنا مبنشوفشى غير المصلحة العليا للبلد ولكل المصريين"، ويطلب مرسى من السيسى الهدوء، ليرد: "أنا هادئ بس رجاء ابعدوا عن خناقات السياسة، واللى بيحصل ده لازم يتوقف ودلوقتى، ومفيش دولة محترمة جيشها بيتشتم، وأنا مش هسمح أبدا بإهانته".

الرد على تهديد الجيش

وشهدت الحلقة السادسة والعشرين لقاء بين خيرت الشاطر والفريق عبد الفتاح السيسي قبل أيام من ٣٠ يونيو في مقر المخابرات الحربية، قال خيرت الشاطر فيه: "المعارضة دول شوية بعوض وتمرد مجرد صراصير ونقدر ندوس عليهم وهنعمل كده ومش هانسيب الشرعية في مهب الريح وشباب الجماعة في أتم الاستعداد للشهادة ومش عايزين صدام مع الجيش هندافع عن الشرعية بمقاتلين متمرسين من كل العالم ولن نترك الفرصة للخونة والمتآمرين".

ليرد السيسي غاضبا: "انتوا خربتوا البلد أكتر مكانت ضايعة بأفكاركم السودة وبعدين أنت جاى تهدد قائد جيش مصر بشوية إرهابيين أنتم باين عليكوا متعرفونيش قسمًا بالله اللي هيرفع سلاح في وش الجيش هشيله من فوق وش الأرض أوعى تفتكر الجيش هو اللي بتشوفوا في الشارع الجيش حاجة كبيرة أوي أكبر من اللي في خيالكوا ويطوي البلد من إسكندرية لأسوان في ساعات أنتوا لو رفعتوا السلاح قسما بالله لن تقوم لكم قائمة لمدة 50 سنة قادمة".