سيد صادق يكشف كواليس فيلم "خلي بالك من عقلك" ومشهد مع شريهان

كشف الفنان سيد صادق، كواليس فيلم "خلي بالك من عقلك" ومشهد له مع النجمة شريهان، مازال يعاني بسببه حتى الآن.

وقال سيد صادق، خلال لقاء ببرنامج "واحد من الناس"، المذاع على شاشة قناة "الحياة"، ويقدمه الإعلامي عمرو الليثي، "القلم اللي أخدته من الفنانة شيريهان جابلي العصب السابع، هي كانت تقابل أي راجل في الفيلم فيجيلها انتكاريا وتديله بالقلم".

و أضاف: "أنا اتضربت من شريهان في الفيلم 3 مرات، لأن المخرج العظيم محمد عبد العزيز عاد المشهد 3 مرات، قولته والنبي يا أستاذ محمد إيد شيريهان صعبة ومش بتهزر".

وتابع: "شيريهان مش بتعرف تمثل، ولازم تبقى الشخصية، فكان القلم قلم فعلًا، ومش قادرة كل مرة نعيد يجيلها الحالة، والقلم بتاعها جامد أوي، وجالي بعدها العصب السابع، ولسه بعاني منه لحد النهاردة بسب المشهد دة".