لطلاب الصف الأول الثانوى.. 10 نصائح للحفاظ على التابلت بعد استلامه

انتهت وزارة التربية والتعليم والتعليم الفنى من توزيع التابلت على طلاب الصف الأول الثانوي، وفى هذا السياق تقدم الوزارة 10 نصائح للطلاب للحفاظ على التابلت:

1.ممنوع نهائي عمل كلمه سر أو نقش لقفل التابلت على الشاشة 

2.لا يتم شحن  التابلت بأي شاحن آخر سوى الشاحن الأصلي الخاص بالتابلت فقط 

3.عدم ترك التابلت بالشحن على الكهرباء  لفترة طويلة 

4.عدم اللعب في أي إعدادات خاصة بالتابلت وأي رسالة تأتيك تابع مع مدرستك ومسؤل التطوير

5.ندخل على الضبط بعد توصيل الجهاز بالنت وهنلاقي تحديث البرنامج نعمل تحديث علشان يظهر آخر اصدار 

6.أي مشكلة في التابلت من كسر أو خروج من النظام بتروح التوكيل وبتدفع 1750جنيه

7.اتأكد أن الجهاز بتاعك مش بيفتح كاميرا نهائي  ونازل عليه برنامج النوكس ومكتوب فيه دفعتك باسم المحافظه مثلا دفعة القاهرة 2021

8.بعد استلامك للتابلت لازم تعلم جهازك  اكتب اسمك في الملاحظات  مثلا أو على الشاشة المهم  تبقى عارف جهازك علشان هيتم تسجيله بموقع الوزاره باسمك ومش هينفع تاخد تابلت زميلك وقت الامتحان  كده هيضيع تعبك

9.حافظ علي جهازك من الخدش أو الضياع أو السرقة وخليه جهاز تعليمي استفيد منه لحين الانتهاء  من الثانوية العامة 

10.بلاش تتابع أي جروب أو صفحة على الفيس وتشوف وتسمع كلامهم فى حاجات  بتنزل غلط كتير ريح نفسك  واسأل مسؤول التطوير بمدرستك وتابع جروب الواتس الخاص  بمدرستك وصفحة مدرستك التابع لها فقط علشان لا تحدث مشكلة في جهازك