الفنانة شيري مجدي باكية: "انا مش شمال.. فكرت في الانتحار لكن مش عايزة أموت كده" (فيديو)
تصدرت الفنانة الشابة شيري مجدي، محرك البحث "جوجل"، خلال الساعات القليلة الماضية، حيث تداول رواد مواقع التواصل الاجتماعي، فيديو لـ "شيري مجدي" وهي منهارة وتبكي بسبب عدم حصولها على أي عمل فني طيلة الفترة الماضية.
وظهرت "شيري مجدي" في الفيديو المتداول في حالة انهيار قائلة: "بقالي أربع أشهر في ضيقة كبيرة، ومفيش شغل وكل اللي كلمتهم يساعدوني محدش ساعدني، أنا يتيمة الأب والأم، وعايشه لوحدي ومعنديش حد في حياتي يقف جنبي".
وتابعت: "أنا مش طالبة من حد حاجة غير اللي شايف إني شاطرة يخليني اشتغل، أنا كنت بفكر في الانتحار لكن خايفة مش عايزة أموت كده، مش قدامي أي حلول، عمري ما أذيت حد، وياريت اللي يساعدني من غير ما يحسسني إني قليلة".
يذكر أن شيري مجدي شاركت في موسم رمضان 2020 من خلال عملين وهما "فرصة تانية" مع النجمة ياسمين صبري ومسلسل "رجالة البيت"، مع النجمين أحمد فهمي وأكرم حسني.
