محمد فراج يشيد بصناع مسلسل "الاختيار"
وعلق محمد فراج، على الصور قائلاُ: "حلقة امبارح الـ 28 من مسلسل الاختيار كانت حلقه عظيمه فيها كمية مشاعر هزت كل اللي اتفرجوا عليها ولأنى من الممثلين اللى كان ليهم الشرف وشاركت في عمل بيحكي عن بطولات جيشنا المصري وقواتنا المسلحة قبل كده فا عارف قد إيه صعب ومهلك إنك تطلع عمل درامي من النوع ده بالشكل المحترم والمشرف ده وبالصوره المبهرة دي".
وتابع كلامة قائلاُ:" بشكر من القلب كل اللى عمل على إن المسلسل ده يطلع للنور من أول شركة الإنتاج سينيرچى، المخرج بيتر ميمى، المؤلف باهر دويدار، مدير التصوير حسين عسر وكل الكرو، أمير كراره اللي عمل دور متهيألى إنه هيعيش في قلوب الناس لفتره طويله قوى وكل الممثلين اللي ظهروا في الملحمة دي، براڤو براڤو براڤو".
وأضاف:" وتحيه كبيره قوى لأبطال مصر الحقيقين شهداء ملحمة البرث وغيرهم كتير من الشهداء اللى ضحوا بحياتهم ولسه بيضحوا فى سبيل إن الوطن ده يفضل آمن ونعيش فيه واحنا مطمنين، الاختيار، منسى الاسطوره، الكتيبه 103 صاعقه، رمضان٢٠٢٠".
ويتناول مسلسل "الاختيار" قصه حياة البطل الشهيد احمد منسي، الذي استهد في أثناء هجوم الارهابين على كمين"البرث"، وظل يقاتل حتى الموت هو ورجاله.
يذكر أن مسلسل "الاختيار" من بطولة أمير كرارة وأحمد العوضى ودينا فؤاد وسارة عادل وضياء عبد الخالق وعدد كبير من الفنانين وهم محمد إمام، آسر ياسين، ومحمد رجب، وإياد نصار، وكريم محمود عبد العزيز، وماجد المصرى، وصلاح عبد الله، وكريم عبد الخالق، ومحمد عز، ومها نصار، وآخرين وهو تأليف باهر دويدار وإخراج بيتر ميمى، وإنتاج شركة سينرجى.
