أحمد جمال يطرح "إحنا مش بتوع حداد" عقب استشهاد المنسي في "الاختيار" (فيديو)

طرح المطرب أحمد جمال، أغنية جديدة له عبر حسابه الشخصي بـ موقع تبادل الفيديوهات الشهير "انستجرام"، والتي تحمل اسم "احنا مش بتوع حداد" وذلك بعد عرض الحلقة الأخيرة من مسلسل "الاختيار" واستشهاد البطل أحمد المنسي.

وتقول كلمات الأغنية
"وقف هنا وافتح جميع كُتب التاريخ وأكتب وقول
أبطال بتعشق أرضها وتضحى عادى بعمرها وسط الزهول
صمت المكان فجر وأدان وصلوا حي على الحياه
نده الوطن لبوا نداه ضحك العريس علشان عرف اليوم شهادته أكيد ينول
و أحنا مش بتوع حداد أحنا نار تحت الرماد أحنا صخر ميتكسرش وكل ضربة يزيد ثبات
منسى حي ميتنسيش بعد أرضى خلاص مفيش منسى ١٠٠ مليون يموتوا والبلد دى متنحنيش
الولاد راضيين يموتوا الولاد عاشقين ترابها الولاد واقفين يقاتلوا للى فيها واللى سابها
الولاد حالفين ليمحوا كل من فكر يعادى كفنى علمك يا بلادى ربنا أخيرًا كتبها
هى موته ونفسى فيها موتى لاجل بلادى فخر فيه اللى عايش بس ميت ضعف وإستسلام وقهر
و البلد دى عايزة منسى مستحيل ييأس فى يوم كل منسى فيكو لازم يبقى ليها سند وضهر"

في سياق متصل صور أحمد جمال الأغنية خلا الأيام الماضية لكى يبدأ عرضها في أسرع وقت، تزامنًا مع عرض مسلسل "الاختيار"، والأغنية من كلمات محمد طارق وديع ومن ألحان أحمد جمال وتوزيع إلهامي دهيمة وأحمد حسام.