رفعت يونان عزيز يكتب : كورونا ونحن

بوابة الفجر

كورونا اللئيمه طلعت علينا بسلاحها الخبيث ====== ركبت السحاب وجالت بالكره الارضيه

بسرعة البرق نزلت بتحدي كل الدول ====== مهمهاش قوي ونفوذ كبري دول العالم

اللئيمه لا تعرف الرحمه تصيب وتموت ====== كبير صغير أصل ضميرها معدوم

لا بتقف علي ملك ولا رئيس ولا وزير ====== جبروت وقسوة قلب لا فقير ولا رضيع ترحم

تحديها تمنع الناس تزور بعضيها ====== مش كده بس كمان جعلتنا نخاف من بعضينا

أه وأه من لؤم كورونا الحقيرة- ====== جعلتنا لا نتجمع ولا نسلم بإيدنا

فرضت علينا لبس كمامه علي الفم والأنف ====== وجونتي بالأيد كمان

منعتنا نصلي جو الجامع والكنيسه ====== ولا نتجمع في فرح وعيد ولا فطارجماعي برمضان

أه يا لئيمه الشر جواكي مليكي ======= عايزه موت وخراب ديار والباقي تنهيه الأحزان

حقيقي حقوده أصلك فرع شيطان ======= يريد هلاك الناس الغفلانه عن الله بهذا الزمان

آة وآه منك عايز أقولك مصر مباركه ======= ووجودك صح النايم وعن الله غفلان

جيتي عرفتي العالم مصر مش أساطير ======= مصر حقيقي أم الدنيا وكريمه كمان

العالم فهم معني سلاح السلام المحبه ======= كله بالتقرب والصلاه لله بإيمان

فشل تسيس مواثيق ومعاهدات حقوق الإنسان ======= لخدمة نظام بالتعاون مع الشيطان

مصر قدمت وبتقدم بالعمل علي أرض الواقع ======= أصل المعني لحقوق وكرامة الإنسان

رئيس وشعب وجيش وشرطه وصحة وحكومه ======= الكل أيد واحده وقلوبهم حصن حصين

صلاه وصوم ودعاء لعودة البعيد عن الله ======= رجوع الفاسد وعن خلاص نفسه غفلان