السر في التتبيلة.. البطاطس المشوية بالفرن (فيديو)
البطاطس المشوية طبق مميز تحرص ربات البيوت على إعداده وتقديمه على مائدة رمضان، وعشان تحصلي على البطاطس المشوية الذهبية الشهية، زي ما بتشوفيها في المطاعم فيه اسرار بسيطة هنقولك عليها علشان تنجح معاكي
اسلقي البطاطس لحوالي 10 دقائق حتى تصبح طرية وهشة. الخطوة دي أساسية علشان تحصلي على البطاطس الذهبية
حمي الفرن قبل ماتدخلي البطاطس فيه. ولازم تكون حرارته 220 درجة مئوية. من الأفضل أن تستخدمي صينية سميكة علشان البطاطس ماتتحرقش منك
إدهني الصينية بالزيت أو الزبدة ودخليها الفرن حوالي 10 دقائق قبل وضع البطاطس فيها.
وبعدين اسلقي البطاطس وصفيها واتركيها دقيقتين لما تنشف
قطعي البطاطس لشرائح متساوية متوسطة الحجم والسماكة علشان تستوي كلها في نفس الوقت
يمكنك تسبيها كاملة لو كانت الحبات صغيرة وبأحجامٍ متساوية.
ضيفي الملح واي نوع بهارات بتحبيها
دخلي الصينية الفرن علشان تتحمر البطاطس وتصبح مقرمشة من الخارج وطرية من الداخل.
ممكن تضيفي أوراق إكليل الجبل إلى الصينية دا بيدي البطاطس نكهة مميزة
قدّمي البطاطس على سفرتك مع صلصة من اختيارك، وجربي مثلاً صلصة باربكيو
وقطعي الفلفل الالوان والجبن المبشور عليها هتديكي طعم مميز
وبكده تكوني عملتي بطاطس باللون الذهبي وقدميها لافراد اسرتك بالهنا والشفا
