"أنا أهلاوي أحسن".. كهرباء يغضب جمهور الزمالك بعد حلقته في برنامج "رامز مجنون رسمي"
كان لاعب النادي الأهلي محمود كهرباء ضيف الحلقة السابعة من برنامج "رامز مجنون رسمي"،المذاع على قناة " mbc" في تمام الساعة ال6:30 مساء.
ولاقت الحلقة إعجاب عدد كبير من الجمهور وتصدر "كهرباء" تريند موقع التواصل الاجتماعي "تويتر" قبل انتهاء الحلقة، وتصدر برنامج "رامز مجنون رسمي" التريند أيضا عبر "تويتر" و"جوجل".
ولكن شنت حملة هجوم على محمود كهرباء بسبب مقولته "أنا أهلاوي أحسن" وكلامه عن النادي الأهلى في برنامج "رامز مجنون رسمي" قائلا "انا من ساعة ما روحت الاهلي ألعب او اقعد احتياطي حاضر وبروح التمرين قبله بساعة راجع بيتي خلاص وحتى لو مش هلعب خالص انا قاعد في بيتي حتى لو هشيل الكور دا بيتي" مما اثار غضب جمهور الزمالك.
وكانت أبرز التعليقات ضد محمود كهرباء "الماتش دا كان قدام الاهلي ال انت بتقول بيتك وبتاع احب انك تشوف الفيديو دا وتعرف انك لازم تحاول تحافظ فالوضع ال انت فيه سواء فالنادي الزمالك او الاهلي مهما كان اعرف بس انك متناقض وانك بتحب الفلوس اكتر من والدتك ال حسام عاشور شتمك بيها"،"بيب بيب الي الهلفوت كهربا هوا الكلام الي بقولة دة مش بيعمل فتنة فين شوبير يحمينا من التعصب الكروي فين سيف زاهر يقولو عيب الزمالك عمل اسمك فين ولاد النادي الاهلي الي بيتشردو في كل حتة كذبة الجمهور جبلاية القرود الحمر نسيو ان اول مشركة لكهربا كانت بطولة لينا احنا الزمالك#كهربا"
