بالفيديو.. تكات نجاح البسبوسة والحصول عليها طرية زي المحلات.. حلوى رمضانية شهية

- لازم تشتري دقيق البسسبوسة "السميد" بدون أي اضافات ونوعه يكون كويس ومضمون ويفضل أن يكون خشن وليس ناعم، وبشرط يكون الزبادي بلدي والسمنة فلاحي

- علشان البسبوسة متنشفش منك وتفضل طرية متقلبيش الدقيق كتير واخفقيها بالمضرب الكهربائي بهدوء 

- وعشان تحصلي على بسبوسة باللون الدهبي لازم تدخل الفرن على درجة حرارة200   لمدة نص ساعة لان درجة الحرارة لمابتكون عالية أو أقل هتخلي البسبوسة تحترق.

- احرصي على استعمال نوعية جيدة من صواني الخبز، لان لو استعملت صينية خفيفة قاع البسبوسة سيلتصق من الأسفل، وادهني الصينية بالزيت والطحين معا تجنبا للاتصاقها

- شربات البسبوسة لازم يكون عبارة عن سكر وماء يتم وضعه على النار حتي الغليان و بعد اضافتة بيتم اضافة معلقة من السمن البلدي مع عصر نصف ليمونه وسبيه يبرد  وضعيه على البسبوسة فور خروجها من الفرن وبعد كده بيتم تغطيتها جيدا للحصول على بسبوسة طرية

- ولما تلاقي البسبوسة شربت الشربات كويس يبقي اعرفي انها نجحت و هتكون احلى بسبوسة من أيدك وقدميها لأفراد اسرتك بالهنا والشفا