إيناس عزالدين تهاجم وزارة الصحة: حميات امبابة فيها أبراص (فيديو)
نشرت الفنانة إيناس عز الدين، فيديو جديد لها عبر حسابها الشخصي على موقع التواصل الاجتماعي "فيسبوك".
وقد ظهرت "إيناس''، في هذا الفيديو معبرة عن استيائها من مستشفى حميات امبابة، وعدم نظافتها وسوء استقبالها للحالات قائلة: "معلش يا جماعة أنا بجد مش قادرة أتحمل بصوا كدة معايا ده ايه في المستشفى، ده بورص طالع من تحت رجلي".
وكتبت "إيناس" على هذا الفيديو قائلة: "للأسف أنا مش لوحدي في الغرفة معايا الضيف ده والموضوع مش كويس أبداً، وبحاول ألتزم ضبط النفس على قد ما أقدر ولكن هتحاسب قدام ربنا لو سكت".
وتابعت "إيناس" عبراتها قائلة: "يؤسفني اني زي ما بشكر في مجهودات وزارة الصحة والحكومة الملحوظة جداً والمحترمة جداً في الأزمة اني بردو أقول أن مستشفى حميات إمبابة غير صالحة لاستقبال حالات أو اشتباه في حالات وفية ضعف كبير في الموارد فيها ومش ذنب العاملين فيها أبداً هما شغالين على قدر الموارد اللي في المستشفى".
واختتمت "إيناس" عبراتها قائلة: "ملحوظة دي غرفة درجة أولى بفلوس يعني مش مجاني، ربنا يكون في عون المجاني".
وعلق أحد المتابعين عليها قائلا: "حقيقي المنظر سيء حبيبتي انتي كدة ممكن تتعبي أكتر، يارب لطفك ربنا يلطف بيكي وبالناس لو سمحتي أي دكتور كويس تعرفيه خلي العلاج في البيت والعزل من فضلك".
وبادلت "إيناس" متابعيها بالرد عليهم في التعليقات قائلة: "محدش يحاول يزايد عليا وعلى اني أخيراً حسيت بالغلابة والكلام ده، أي مخلوق على صفحتي أو متابعني عارف كويس اني عمري ما سكت عن الحق من أول دار المسنين لما كنت هموت فيها علشان أجيب حقهم ودور الأيتام وغيره وغيره فبلاش حد يزايد عليا".
