رضوى الشربيني: "الفلانتين بالنسبة لي زي عيد العمال بالظبط"
وجهت الإعلامية رضوى الشربيني، رسالة لـ "السناجل" بمناسبة عيد الحب، قائلة: "بوجه رسالة للسناجل إللي زيي، عيد استقلال سعيد يا حبيبة قلبي".
وتابعت "الشربيني"، خلال تقديم برنامجها "هي وبس"، المذاع على فضائية "سي بي سي" مساء اليوم الجمعة: "عيد الحب بالنسبة لي زي عيد العمال بالظبط".
واستكملت: "لو محدش جابلك هدية، شوفي أي حد بتاع ورد وهاتيلك هدية"، موضحة أن الحب فطر ويكبر بالتعلم، ويبدأ من حب النفس أولًا، متابعًا: "حبي نفسك الأول، ومتفضليش الآخر عليكي، خليكي حنينة وطيبة ومعطاءة ولكن في نفس الوقت عمرك ما هتعرفي تعطي غير لما تحبي نفسك".
