تعرف موعد حفل توقيع ديوان "نحن والقمر" لمحمد وشيرين وخالد دياب

أصدرت دار دون للنشر ديوان جديد بعنوان نحن والقمر للشاعر عبد الحميد دياب وهو يشمل مجموعة اشعار كتبت على مدار أكثر من ٦٠ عاما شملت تأريخا شخصيا و عاما.


ويعتبر عبد الحميد دياب هو شاعر و طبيب وهو والد المخرجين و المؤلفين محمد وخالد وشيرين دياب.

وسيقوم دياب بتوقيع ديوانه في الخامسة من مساء يوم الاحد القادم بجناح دون في معرض الكتاب.


وكان محمد دياب قد كتب عبر صفحته على موقع التواصل الاجتماعي الفيس بوك قائلا: " فيه تفسير بسيط ان احنا التلاته طلعنا مؤلفين و مخرجين وعندنا شغف بكل اشكال الفنون … اننا اولاد عبد الحميد دياب.  بابا هو الفنان الاصلي في العيله … الرسام و الشاعر و المؤلف … و الدكتور. في زمن آخر و ظروف تانيه بابا كان هيختار يبقي شاعر و بس، انما كالعاده ظروف الحياه مش بتخلي معظم الناس تاخد الاختيارات اللي حابينها".



 ويحمل الاهداء هذه العبارات: "محدش فينا احنا التلاته اتخرج من كليه فنيه بس لما واحد ورا واحد فينا قرر يسيب شغله اللي درسه عشان نجري ورا شغفنا كان بابا في ضهرنا و ساعد انه يخلق ظروف تخلينا نقدر نحقق احلامنا اللي هو مقدرش يحققها.  الكتاب ده حلم مؤجل من سنين، اشعار مكتوبه علي روشتات و ورق مناديل و فواتير و تذاكر مترو، و ورق جرايد فيها اللي اتكتب و بابا في الكليه و علي الجبهه في ٧٣ و فيها اللي اتكتب من شهر، فيها اللي عن مصر و سوريا و فلسطين و العراق و السودان.  مفيش هديه شوفنا اننا نقدمها لبابا احلي من اننا نجمع اللي كتبه و نشاركه مع الناس عشان يتعرفوا علي الانسان العظيم اللي هو ابونا. .محمد و خالد و شيرين دياب".