Advertisements
Advertisements
Advertisements

محفظة جوزي.. وورق عرفي تحت الطلب

Advertisements
صورة أرشيفية
صورة أرشيفية
Advertisements
من فترة طويلة وانا شاكة جدا في جوزي انه يكون علي علاقة بستات غيري ولما لمحتله كذا مرة قعد يقولي بلاش الهزار السخيف دة احسن يقلب بجد .. والحقيقة انها قلبت مش بجد وبس .. لا دي قلبت بمهزلة .. انا طول عمري كنت زوجة واثقة من نفسها وجوزها لكن بعد ملاحظة شوية تفاصيل بسيطة الموضوع كان غصب عني لازم اشك .. وانا بطبعي عمري ماقنت مقتنعة ان تفتيش الزوج دة حاجة محترمة او مهمة لان اللي عايز يعمل حاجة بيعملها حتي لو انا جنبه .. طيب جميل قوي ..المهم قررت بعد ما كلمت صديقة لية اني افتش في محفظته وجيوبه ولاول مرة بعمل كدة وياريتني ما عملت .. اتصدمت ان البيه شايل في جيبه كذا نسخة لعقد جواز عرفي .. فيه منه اللي مكتوب فيه بيانات وفيه اللي لسة ورقة فاضية الله اعلي مين هتكون صاحبة العصمة الجديدة !! 

قررت اني اواجهه بالورق علشان ما يبقاش فيه فرصة للكذب او الملاوعة .. المصيبة اني عملت حساب لكل حاجة ما عدا واحدة وهية انه يكون بجح وحقير في رده قوي كده .. رده كان .. ايوة كل ده صحيح وفيه غيرهم كمان .. اتصدمت من ثقته العالية في البجاحة وصممت اعرف ليه وايه السبب قاللي برضه بمنتهي البجاحة دول ستات كبار وانا من وقت للتاني بقلبهم في قرشين مع العلم ان جوزي ده ابن ناس جدا ومستور ماديا ودخله يعتبر ممتاز ايه اللي يجبره يتصرف بالمنظر ده وليه ستات كبار تحديدا وايه الحالة الفاجرة اللي حطني فيها انا كنت عايزة عفوا ارجع .. الكلام ده حصل من ٣ ايام بس ومن كتر الصدمة لسة لا بلغت اهلي ولا حتي صاحبتي اللي اقترحت علية افتح جيبه ومحفظته .. وقلت ابعتلك استاذة نيفين يمكن تدليني اتصرف ازاي مع مراعاة اني مصدومة لغاية دلوقتي 


فضفضة
محررة الصفحة .. نيفين حجازي

أولا من الواضح انه لا يوجد ما يدفع زوجك لتصرف كهذا وفي اعتقادي ان الامر مرتبط بحالة نفسية مرتبطة بعلاقته بوالدته .. حاولي ان تسترجعي ذكريات هذه القلاقة او اسآليه عنها ربما يظهر امامك بين كلامه ما يدل علي هذا التصرف المنحرف .. احيانا علاقاتنا بوالدينا تكون سبب اساسي في مشكلات كثيرة نعاني منها دون ان نلاحظ ان المشكلة بدآت من الاسرة ومعظم من قمت بمقابلتهم في عيادات طب النفس للبحث تآكدت من ان معظم المشكلات فعلا اتت من داخل البيت ( الوالدين ) .. عموما تكلمي معه للمرة الاخيرة ثم ابلغي والديك ضروري ليقوموا بالتصرف بهدوء لانك امازلت في حالة صدمة وانا معك ان المشكلة صادمة لكن علاجها او استيعابها يتطلب عدة افراد طرف في حياة زوجك ومن ضمنهم آهله .. فهم اكثر ناس لديهم تفاصيل عن طفولته ومنها نبدآ البحث في الحل ان كان سيصبح علاج نفسي او انك ستفضلين الابتعاد تماما او تنتظرين مساواة الامر مع والديك لحين ان تهدءي ثم تقومي بالتفكير في قرارك الاخير.

لعل الله يكشف لك كل الامور وان كانت مؤلمة لكن ضروري جدا في ظرف مثل ما تعيشينه ان تظهر كل الحقيقة

Advertisements