حازم عبد العظيم من سجن طرة: "بناكل لحمة وفاكهة.. واحنا في فندق مش سجن"

كشف حازم عبد العظيم، عن الأوضاع داخل السجون المصرية، خلال مقطع فيديو عرضته فضائية "إكسترا نيوز"، والذي يرصد لقاء أعضاء نيابة أمن الدولة العليا مع نزيل سجن طرة حازم عبد العظيم، قائلًا: "الأكل فوق ما تتخيل، أنا مش بجامل، إحنا بناكل لحمة مرتين في الأسبوع، وفاكهة على طول، وجبن وخضار".

واستكمل "عبد العظيم"، خلال لقائه مع أعضاء نيابة أمن الدولة العليا: "وأنا حتى بقعد أهزر معاهم، وفتحات التهوية في الغرفة كويسة، وعدد الشبابيك كويس"، موضحًا أنه يوجد 6 نوافذ داخل الغرفة.

وعن الإضاءة، قال: "الغرفة فيها إضاءة نيون بس محتاجين لمبة تالتة"، معلقًا: "بالنسبة لوضع السجن أحسن مما نتخيل بكتير، إحنا في فندق مش في سجن، أهم حاجة عندي المعاملة، وإحنا بنتعامل كويس؛ بيتعاملوا مع الناس الوزير زي الغفير، وإللي بيحترم نفسه المأمور والضابط والشاويش بيحترموه".