إزاي تسافر إلى فينيسيا وباريس وبرشلونة 8 أيام بأقل من 5 آلاف جنيه

منوعات

فينيسيا
فينيسيا



أتكلمنا في الحلقة الأولى أنك إزاي تسافر سويسرا بـ 3 آلاف جنيه، وأتفقنا أن الفلوس لازم تكون آخر حاجة تفكر فيها وأنت بتخطط لسفرك بره، النهاردة هنتكلم إزاي تعمل رحلة لأوروبا 3 دول "أيطاليا – فرنسا – إسبانيا" بأقل من 5 آلاف جنيه، هتسألني تقولي "قول كلام غير ده" بس هقولك صدقني أنت عندك فرصة ذهبية أنك تسافر بالسعر ده ويمكن أققل، وطبعًا ممكن أكثر لو انت عايز تعمل تحديث للمكان اللي عايز تقعد فيه، رحلتنا لأوروبا هتبقى 8 أيام بـ 7 ليالي وبالتحديد من 11 يناير 2020 إلى 18 يناير 2020..


إزاي تسافر "فينيسيا وباريس وبرشلونة" بأقل من 5 آلاف جنيه
أول حاجة لازم نتكلم فيها هي برنامج الرحلة إحنا هنروح من القاهرة إلى الغردقة علشان زي ما أتفقنا أن الأسعار هناك للطيران أقل من القاهرة، بعدما هنروح إلى فينسيا في إيطاليا، هنقعد هناك ليلة واحدة، وبعدها هنطير إلى باريس هنقعد هناك 3 أيام، وبعدها إلى إسبانيا نقعد هناك ليلتين، ونرجع تاني إلى فينيسيا ونستعد لرحلة العودة إلى الغردقة


الطيران
من القاهرة إلى الغردقة بـ 250 جنيه، ومن مطار الغردقة هناخد طيارة "Easyjet" هي شركة طيران بريطانية خاصة، أهم حاجة قبل ما تحجز هتكلم الطيران المدني تتأكد أن الرحلة اللى انت طالع عليها مش "شارتر" علشان الشارتر ممنوع يركب فيه المصريين والشركة دي عندها رحلات منتظمة يحق لأي شخص انه يركبها ورحلات شارتر مقتصرة فقط على الأجانب، من 11 يناير إلى 18 يناير تكلفة الرحلة هتكون 1476 جنيها، وده أقل سعر بناءا على موقع skyscanner المختص بالطيران الأقل سعرا.




فينيسيا
هندخل على موقع "hostelworld" اللي هو بالعربي اسمه "نزل"  منازل منتشرة في العالم كله ومضمونة، هنحجز في ao hostel venezia mestre  تقيمها 8.6 زي ما واضح في الصورة، هنحجز سرير في أوضة مزدوجة فيها 8 سراير بـ 290 جنيه الليلة.


هنتحرك من إيطاليا إلى باريس بـ طيران شارتر هيكلفنا 43 دولار تقريبا علشان نروح نبدأ يومنا الثاني في فرنسا، وعلشان تشوف حاجات أقل سواء طيران أو قطارات أو سيارات، أدخل على أحد موقعي OMIO أو TRAINLINE




باريس

برضة من على موقع الهوستل هنحجز حاجة اسمها ST CHRISTOPHER’S INN CANAL  هنقعد فيها 3 ليالي، هنختار سرير في أوضة مزدوجة بـ 400 جنيه * 3 ليالي = 1200 جنيها، وأخرج من الهوستل الصبح ومترجعش ألا علشان تنام بس.. وبكدة يبقى أنت قضيت أحلى 3 أيام في باريس بـ 1200 جنيه بس، أه والله زي ما بقولك كدة ..


هنركب من باريس بقى إلى برشلونة طيارة بـ 30 دولار وهنوصل إلى محطتنا المقبلة .. كتالونيا بلد البرغوث ليونيل ميسي..




برشلونة

هنحجز في هوستل اسمه HOSTEL ONE SANTS  ده واخد تقييم رائع، هنختار أوضة فيها 6 سراير مزدوج يعني "بنات وولاد" وهتكون بـ 263 جنيه مصري، في 2 يعني حوالي 526 جنيه علشان تبقى إجمالي الرحلة تقريبا أقل من 5 آلاف جنيه وأرجع وانت مستمتع..


معلومة مهمة كل دي مجرد أفكار، بنحاول ننور شوية قدامك طريق السفر، بنحاول نقولك أنك ممكن بسعر بسيط جدا تسافر إلى مكان في العالم، ولو عايز تستمع أصرف فلوسك في الحاجات اللي هتعملها هناك، أحجز فندق قليل، أو هوستل وخلي دائمًا صرف الفلوس في الحاجات اللي نفسك تعملها..