كيف غازل محمد رشاد خطيبته السابقة؟
خرج المطرب الشاب الخروج عن صمته أخيرًا بما يخص أزمته مع خطيبته السابقة المذيعة مي حلمي، حيث نشر عدة صور من زفافه الذي تم إلغاؤه، وذلك على حسابه الشخصي على "إنستجرام".
وعلق "رشاد" على الصور: "أنا شفت شماتة في أكتر يوم كنت بستناه مع أكتر بنت حبيتها فعمري كله وكنت بحسها بنتي وحبيبتي وصحبتي، طبعا من وقت المشكلة اللي حصلت اليوم دا لحد النهاردة استفدت كتير من اللي حصل حواليا.. أولهم إن ناس كتير ممكن تبين فرحتهم وهما مش فرحانين ليك من قلبهم دا تمثيل ووقت المشكلة بيتحول الفرح لتصفية حسابات على حساب أي حد.. تاني حاجة ناس كتير بالذات في مجالي هتبين إنهم أصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا في تفاصيل حياتك الشخصية حتى لو بالكدب.. فى الآخر مش هيفضل غير اللي بيحبك وبيتمنالك الخير".
وتابع بقوله: "الناس وآرائهم مش هيكملوا معاك حياتك بس اللي بيحبك وعايزك معاه هو بس اللي هيفضل اتمنولنا الخير ولكم المثل يارب".
يذكر أنه كان من المقرر زفاف كل من مي حلمي ومحمد رشاد يوم 20 أكتوبر الماضي، بأحد فنادق الجيزة، ولكن فجأة وبعد قدوم المعازيم تم إلغاء حفل الزفاف، وذلك بعد قصة حب دامت 4 سنوات، نتيجة لخلافات عائلية حدثت يوم الزفاف.
