السيناريست خالد دياب يتعرض للسرقة (صورة)
كشف السيناريست خالد دياب، عن تعرضه للسرقة
عند عرض منزله للبيع لمواطن خليجي لم يحدد جنسيته.
وكشف "دياب" تفاصيل الواقعة عبر
حسابه بموقع "فيس بوك"، حيث كتب: "عارض بيتي الي عايش فيه للبيع فكلمني
مواطن خليجي عايز يشتري البيت و جه اتفرج و عجبه البيت واتفقنا علي السعر و مافاصلش
في جنيه وعرض يشتري كمان الفرش فوافقت عشان ما اتعبش في نقل الفرش".
وأكمل
"دياب"، عبر حسابه الشخصي على موقع التواصل الاجتماعي
"فيسبوك"، قائلً: "المهم قالي آخد رأي مراتي في كام حاجه و قام مكلمها
في التليفون ووطي صوته فحسيت انه عايز شويه خصوصية فقالي ممكن اطلع ابص علي الاوضه
الصغيرة تنفع مربية والا لا فسمحتله و رجع سألني هاتسيب التكيفات قولتله آه ثم هاتسيب
التليفزيونات قولتله آه...قولت لعيشة مراتي اطلع اقوله انه ممكن يبني اوضه للمربية
في الجنينة و يستغل هو اوض البيت لعيلته يمكن ده يأثر علي قرار مراته في الشرا قالتلي
ملوش لزوم... يا عيشة اطلع اقوله البيعه هاتبوظ قالتلي خليها علي الله.. دقايق و نزل
قالي تمام مراتي موافقه ساعه و نتقابل في البنك اكون جبت المحامي انا عملي و مش بتاع
تضيع وقت... مراتي قالتلي شوفت ربنا سهلها ازاي!.. كان عايز يمشي اصريت يشرب حاجه لغاية
ما رضي يشرب شاي".
وأضاف : "مشي و انا طاير من الفرحة
و الادرينالين متدفق في عروقي عشان الديل الي الراجل مانزلش فيه جنيه ... نص ساعة و
نزلت عشان اقابله في البنك لقيت مراتي بتكلمني بتقولي انت خدت فلوس من شنطتي؟".
فجأه انا حصلي فلاش باك صاروخي.. قولتلها
روحي شوفي اي فلوس في البيت ناقصة؟ قالتلي ايه؟ زعقتلها قولتلها روحي شوفي اي حاجه
ناقصة حالا... رجعتلي بالخبر اليقين.. البرنس سرق كل الفلوس في شنطة عيشه...كلمته في
التليفون طبعا مقفول.. عملت سيرش علي رقمه علي ترو كولر طلع خالتي ام علي.
القصة بحكيها لواحد من قرايبي قالي حمايه
لسه معموله معاه بالنكلة...فلنتعظ من هذه النمره
