خطوبة مينا عطا على فتاة أحبها 11 عامًا

الفجر الفني




أعلن المطرب الشاب مينا عطا عن خطبته من الفتاة التى أحبها 11 سنة، ولكنهما ابتعدا عن بعضهما طوال الفترة الماضية، مشيرًا إلى أنه عندما غنى أغنية "لا تروحى" فى برنامج ستار أكاديمى كانت أمنيته أن تعود له البنت الوحيدة التى أحبها.
 
ونشر مينا عبر حسابه بموقع إنستجرام صورة تجمع بخطيبته وكتب: "فاكرين يوم ما غنيت فى ستار أكاديمى (الايڤال الرابع بتاع الأمنيات) أغنية لا تروحى وكانت أمنيتى إن البنت الوحيدة اللى حبتها فى حياتى ترجعلى ونكمل حياتنا سوا ! الحمدلله من نعم ربنا عليا النهاردة إنى أقدر أقول إننا رجعنا لبعض واتخطبنا كمان وفرحنا بإذن الله قرب أولاً عاوز دعوة حلوة منكم لينا وثانياً هما كلمتين أحسن من 200 عشان ما بحبش أطوّل".
 
وأضاف: "لو ليك هدف، أمنية، حلم امسك فيه بإيديك وسنانك واوعى تقول مستحيل أو مش هيحصل لأن ربنا كبير أوى وعالم بنيتك وحالك وبيديك دايمًا اللى انت محتاجة والمناسب ليك فى الوقت المناسب"، أما بالنسبة لعِشرة الـ11 سنة حب واللى استحملتنى كتيييير ووقفت جمبى زمان كتيير اوى قبل اى شهرة وقبل كل حاجة أيام ما كانت بجد الحياة سودة ومتقفلة ف وشى ومش عارف أحقق أى حاجة أحب أقولك (لو لفيت الدنيا كلها والله العظيم عمرى ما هلاقى زيك وعمرى ما حبيت ولا هحب ولا عرفت حب بجد يعنى ايه غير معاكى، انتى كل حاجة فى حياتى، بحبك).