أسامة كمال: "السيسي قال ماتستعجلوش" (فيديو)

الفجر الفني



قال الإعلامي أسامة كمال، مقدم برنامج "مساءdmc" مقدمته عن حلقة الثلاثاء، إحساس بالمرارة كان عند المصريين بسبب حكم الإخوان، مايقلش عن الإحساس بمرارة هزيمة 67.. كنا شعب مهزوم، لكن المرة دي مش شعب مكسور.

 

وأضاف:"شعب عارف ان ارادته لسة في إيده رغم إهانة إقالة وزير الدفاع المشير طنطاوي اللي الناس كانت شايفاه مع القوات المسلحة أمل مصر في حماية مقدرات الناس".

 

وتابع:"طب مين الوزير الجديد؟ مين الفريق عبد الفتاح السيسي اللي روجوا له إنه إخوان أو متعاطف معاهم.. معقول؟ لكن بداية الفرج كان في يوم حضره الإعلاميين والصحفيين والفنانين في بيان عسكري في دهشور ما دعيتش ليه لكن برضه كنت على الهوا لما سألوا وزير الدفاع وبعدين، فقال ماتستعجلوش".

 

واستطرد: "قريت في الكلمة الواحدة اللي قالها وزير الدفاع عبد الفتاح السيسي ويومها مقدمة برنامجي القاهرة 360 اللي عادة بتكون مابين 50 و100 كلمة، كانت من تلات كلمات بس، كانت "كلمة السر ماتستعجلوش".