لليوم الثالث على التوالي.. إنقطاع المياة في الجيزة.. والمواطنين: المحافظة كذابة

قال محمود فؤاد، مدير المركز المصري للحق في الدواء، أن إنقطاع المياه سيتسبب في كوارث للمرضى بالمستشفيات، فكتب في تدوينة على صفحته الشخصية: "اعمل في دي ايه بقي، مستشفي أكتوبر تستغيث ومستشفي إمبابه المركزي والحميات بسبب انقطاع الميه عن المحافظه من 40 ساعه وبيبعتوا الأهالي يملوا جراكن..اغيثوهم في مرضي وأدوات بتحتاج ميه يا ناس، ٤٠ ساعه  ليه".

وعبر حازم الملاح عن غصبه، وقام بالتطاول على محافظة الجيزة، فقال: "الميه لسه مقطوعة في الجيزة كلها، محافظة.... والمصحف".

وسخرت إيمي سعد، إحدى سكان المهندسين، من استمرار  إنقطاع المياة فكتبت في تدوينة لها: " اوعوا فرحتكم بالحضرى والمنتخب تنسيكم أن الميه مقطوعه عن المهندسين وضواحيها، والنهاردة اليوم الثالث على التوالي".

واستغاثت إبتسام حسن، بالمسئولين، موضحة أن رقم الشكاوي مشغول ولا تجد من تعرض عليه شكوتها، فقالت: يا عالم إنقذونا، أنا من (المحكمه_ إمبابة) والمياة لسه مقطوعة عندنا، ورقم الشكاوى 125، اتصلت بيهم من بدري الخط مشغول ع طول ومش عارفين نعمل إيه".

وأشارت ياسمين ياسين، إلى تصريحات محافظ الجيزة التي وصفتها بالكاذبة، بسبب وعوده بعودة للمياه ورغم ذلك الإنقطاع مستمر، فكتبت في تدوينة لها: " يعني المحافظ الكذاب ده قال المياه هتشتغل خلال ساعتين والكلام ده من الساعة 8، ولحد دلوقتي لسه مجتش، يرضى مين ده حسبنا الله ونعم الوكيل في دى عالم".

وعبرت سارة الشرقاوي، عن استيائها من غياب المصداقية لدى المسئولين، فقالت: "مفيش مصدقية خالص، المفترض إنه تقال قطع الميه 24 ساعة بس...وأدينا بدأنا اليوم التالت لقطع الميه".

ومن جانبها طرحت توتا محمود، سؤالاً يساعدها على تخطي أزمة إنقطاع المياة لديها، وهي عدم التمكن من إعداد الطعام، فكتبت في تدوينة على صفحتها الشخصية: "بمناسبه الميه المقطوعة في أماكن كتير في القاهرة تعالوا نساعد بعض، إيه الاكل اللي مش محتاج ميه؟".