عمرو أديب: "عمر سليمان قالي مصر مش هتسمح للإخوان يحكموها وبعدها مات فجأة" (فيديو)

استنكر الإعلامي عمرو أديب، تصريحات الاستخبارات الأمريكية الأخيرة والتي اعترفت أنها ساندت ثورات الربيع العربي وأخطأت في ذلك، قائلًا: "إحنا إزاي اتعمل فينا كده وخلينا واحد زي أوباما ينصب علينا كلنا".

وطالب "أديب"، خلال تقديمه برنامج "كل يوم"، المذاع على فضائية " ON-E"، كل الشخصيات العامة التي كانت موجودة إبان ثورة يناير بداية من مبارك وحتى البرادعي وغيرهم، بالتحدث للشعب ليكشفوا عن مزيد من الحقائق، قائلًا: "لازم المشير طنطاوي ومبارك والبرادعي وكل المسؤولين يتكلموا بشكل صريح"، موضحًا: "الوحيد اللي عمل معايا لقاء بعد يناير هو الكاتب الصحفي عادل حمودة".

وتابع: "اللواء عمر سليمان قالي في مرة، مصر مش هتسمح الإخوان يحكموها، ويومها أنا مصدقتوش وبعدها استبعد من الترشح للرئاسة وبعدها مات فجأة، وإحنا عاوزين نعرف إيه اللي حصل".


وأضاف أديب: "حينما صرح الفريق أحمد شفيق بأن المصريين ليس لهم في الديمقراطية، كنت هموته قولتله نعم بس طلع معاه حق".