"السيسي": سر نهضة هذا البلد يكمن في التزام المصريين

قال رئيس الجمهورية عبدالفتاح السيسي، إن سر نهضة هذا البلد يكمن فى التزام وانضباط المصريين، متابعا"أنا عايز أفهم الناس إن الحكاية بتاعتنا كلنا.. انتوا عايزين البلد دى تقوم بجد لازم تعرفوا إنه يبقى فيه التزام وانضباط مننا كلنا عشان مصر تطلع لقدام".

واستكمل الرئيس على هامش الجلسة الأولى للحوار الشهري للشباب: "الناس لما لقت فرصة من خلال حالة الفوضى اللى موجودة، وتراخى قبضة الدولة فى البناء على الأراضى الزراعية، ابتدوا يبيعوا ما لديهم من رؤوس ماشية عشان يلحقوا، ودا كان تأثيره إن حجم المعروض من اللحوم اللى الناس محتجاه مبقاش متاح".

ورد السيسي على حديث عمرو الجارحى وزير المالية، عن الوضع الاقتصادي قائلا: أنا مش عاوز كلام للمتخصصين، عشان نعمل سياق معرفى وتنويرى لكل مصر، أنا عاوز اقول للناس احنا عملنا كدا ليه، انا عاوز كل الناس تعرف حتى البسطاء اللى فى الشارع".