علاء الكحكي: دخول مستشفى 57357 له نظام صارم "مش سداح مداح"
قال علاء الكحكي، رئيس مجلس إدارة شبكة تليفزيون النهار، إنه توسط لدى الدكتور شريف أبو النجا، مدير مستشفى 57357 لعلاج سرطان لدخول أحد المرضى للمسشفى، وكانت إجابته لي: "مفيش واسطة ومستحيل"، وبعد عدة أيام أخبرنى بأن الطفل دخل المستشفى، وبعثت له رسالة أشكره على ذلك، فرد عليا أبو النجا، قائلا: "انت برضه فاهم إني اتوسطت له، دي المستشفى وده النظام جواها".
وأَضاف "الكحكي"، خلال مداخلة هاتفية مع الإعلامي خالد صلاح ببرنامج "على هوى مصر" عبر فضائية "النهار وان"، قائلا: "أكيد أهل الطفل معزورين وحق ربنا أن مستشفى 57357 لا تقبل الطفل إلا بشروط معينة وده سر نجاحها لأن الموضوع واخد شكل صارم جدا، بأن الطفل ماينفعش يكون أتعالج في مكان أخر قبل قبل ذلك".
وتابع "الكحكي": "المستشفى مش بيدخل أي حد إلا بمواصفات معينة وأعتقد إن النظام ده سبب نجاحهم، وسبب نسب الشفاء بفضل الله، فمفيش شك أنه ممكن يكون فيه أخطاء بشرية بإنفعال الراجل والد الطفلة، بس أنا موافق الدكتور شريف في أنه لو حصل أنه حد أقتحم عليك المكان لازم الأمن يتعامل معاه لو تخطى الحدود، ولازم نحجم الموضوع والا هيكون سداح مداح، وخصوصا أنه فيه إشكالية ناس كتير اتكلمت فيها هو مين رايح وعنده مشكلة في مستشفى ورايح يصور، وهو مش من أهل البنت فمين اللي عايز يعمل كده ويشوه صورة المستشفى".
