شويكار: هربت لأتزوج فؤاد المهندس لرفض أهلى.. وهذا سر كرهى لـ"سبتمبر"

أكدت الفنانة الكبيرة شويكار، أنها تكره شهر سبتمبر، حيث قالت: "بالنسبة لى لا احبه لان اغلى ما كان عندى رحلوا فية فؤاد المهندس، وأمى واعياد ميلادهم ايضا به".

وأضافت خلال مداخلة هاتفية فى برنامج "بوضوح" مع الإعلامى عمرو الليثى على قناة "الحياة" قائلة: "تعرفت علي فؤاد على المسرح والاستاذ سيد بدير عرض علي مسرحية "السكرتير الفنى"، وبعد ما اشتغلت مع فؤاد فيها، عملنا مسرحية آخرى "انا وهو وهى" وحدث خلال البروفات كيمياء فى الشغل بيننا، والناس حبتنا مع بعض، وسافرنا بمسرحية "السكرتير الفنى" اسوان والاقصر وحصلت علاقة الحب وظهرت جدا، ورجعنا لنعيد تقديم "انا وهو وهى" واثناء عرضها طلب يتجوزنى، ولم اتفاجأ هو قالى "مش يلا بقى نتجوز قولت له وماله يلا".

وتابعت: "هربنا واتجوزنا بسبب رفض والدى، واستاذ حسن الصيفى ومحمود الصيفى شاهدين على الجواز، وكلمت والدى وقولت له قفل السماعه فى وشى، وبعدين حبوا فؤاد اكتر منى، طلعوا هما اللى غلطانين مش انا، وطول الوقت انا كنت عايزة اتجوز اب لبنتى، رجل محترم، وزوج هائل ومثالى، كنت باخذ رأية فى اعمالى واخد بكلمته لان عندى ثقة فى كلامه انه صح".